“Zirə” – “Qəbələ” – 1:2
(Vüsal İsgəndərli, 67 (p.) // Ülvi İsgəndərov, 12; Rövlan Muradov, 14)
Bu gün əvəzedicilərin yarışında XVIII tura start verilib. Günün ilk qarşılaşmasında “Qəbələ” “Zirə”nin qonağı olub. Ötən mövsümün çempionu olan “qırmızı-qaralar” səfər oyununa 8 matçlıq qələbə seriyasını davam etdirmək iddiası ilə çıxıb. Bunun nəticəsidir ki, yarışın lideri olan Hüseynqulu Quliyevin yetirmələri qarşılaşmanın taleyini matçın əvvəlində həll edib. Belə ki, Ülvi İsgəndərov 12-ci dəqiqədə hesabı açıb. Bu top onun mövsümdə 7-ci qolu olub. Cəmi 2 dəqiqə sonra “Qəbələ” fərqi artırıb. Ardıcıl 3-cü dəfə meydanı qolsuz tərk etməyən Rövlan Muradov fərqlənib – 2:0. Bununla da futbolçumuz mövsümdə 5-ci qolunu vurub. Meydan sahibləri matçın sonunadək məğlubiyyətdən qaçmağa çalışsa da, yalnız 1 qol vurmağı bacarıblar. 67-ci dəqiqədə Vüsal İsgəndərli penalti ilə fərqi minimuma endirib.
Beləliklə, “Qəbələ” ardıcıl 9-cu qələbəsini qazanıb. “Qırmızı-qaralar” ötən mövsüm imza atdıqları 10 qələbədən ibarət öz rekord seriyasının bir addımlığındadır.
| 1 | Qəbələ | 18 | 13 | 2 | 3 | 42-18 | 41 |
| 2 | Qarabağ | 17 | 10 | 4 | 3 | 32-18 | 34 |
| 3 | Neftçi | 17 | 10 | 1 | 6 | 26-20 | 31 |
| 4 | Zirə | 18 | 6 | 5 | 7 | 22-21 | 23 |
| 5 | İnter | 17 | 6 | 5 | 6 | 12-12 | 23 |
| 6 | Kəpəz | 17 | 5 | 5 | 7 | 19-24 | 20 |
| 7 | Sumqayıt | 17 | 4 | 1 | 12 | 25-41 | 13 |
| 8 | AZAL | 17 | 3 | 1 | 13 | 23-47 | 10 |
