Milad Beiqi Harçeqanidən qızıl medal
Xəbərlər / 17 May 2017 | 21:37111
Milad Beiqi Harçeqanidən qızıl medal

Azərbaycan milli komandasının və “Qəbələ” İdman Klubunun taekvondoçusu Milad Beiqi Harçeqani növbəti uğurunu qazanıb. İdmançımız Bakıda keçirilən IV İslam Həmrəyliyi Oyunlarında fərqlənib. 80 kq çəki dərəcəsində çıxış edən taekvondoçumuz yarışa 1/4 finaldan başlayıb. Avropa Oyunlarının qızıl, Olimpiadanın bürünc mükafatçısı olan Milad Məcid Almabrukunu (Səudiyyə Ərəbistanı) asanlıqla məğlub edib - 21:2.
Yarımfinalda da iranlı Əlirza Dərvişpurla görüşən təmsilçimiz yenə ciddi müqavimətə rast gəlməyib və 24:4 hesabı ilə qalib gəlib. İdmançımız finalda Türkiyə taekvondoçusu Yunus Sarı ilə qarşılaşıb. Gərgin mübarizə şəraitində keçən görüşdə 9:5 hesablı qələbə qazanan Harçeqani İslam Həmrəyliyi Oyunlarını qızıl medalla başa vurub.