«Qəbələ» cüdoçularından daha iki medal
Cüdo / 29 Dekabr 2017 | 00:2748
«Qəbələ» cüdoçularından daha iki medal

Bakı İdman Sarayında kişilər, qadınlar və usta cüdoçular arasında təşkil olunan Azərbaycan çempionatına yekun vurulub. Üç gün davam edən yarışın son günündə kişilər arasında 100 kq və +100 kq çəki dərəcələrində ölkə mükafatçılarının adlarına aydınlıq gətirib. “Qəbələ” İdman Klubunun cüdoçuları günü iki medalla başa vurublar. +100 kq çəki dərəcəsində çıxış edən Uşanqi Kokauri yalnız finalda uduzaraq gümüş medala yiyələnib. Eyni kateqoriyada mübarizə aparan Ayxan Cəfərov bürünc medal qazanıb.

Beləliklə, “Qəbələ” çempionatı 5 mükafatla başa vurub. Yarışın ilk günündə Vüqar Şirinli qızıl, Mehman Sadıxov gümüş (hər ikisi 60 kq), ertəsi gün Rüfət İsmayılov (90 kq) bürünc medal qazanıb.