«Qəbələ» final mərhələsinin ən yaxşısı oldu
Xəbərlər / 14 May 2012 | 07:07254
Unibank Premyer Liqasının 2011-2012 mövsümünün final mərhələsinin ən yaxşısı “Qəbələ” olub. Fatih Kavlakın yetirmələri həlledici 10 qarşılaşmada hamıdan çox – 17 xal toplayıb. “Sumqayıt” isə hamıdan az – 9 xal qazanıb.
“Qəbələ” həm də “Rəvan”la birlikdə final mərhələsinin ən məhsuldar komandaları olublar – hərəyə - 16 qol. Bürünc mükafatçı “İnter” isə cəmi 8 qol vurub.
Final mərhələsində ən yaxşı müdafiəyə “Simurq” malik olub – 7 buraxılmış top. Qapısında 17 qol görən “Kəpəz” isə antirekordçu olub.
“Bakı” və “Qəbələ” hamıdan çox - 5 qələbə qazanıb. Paytaxt təmsilçisi həm də final mərhələsində heç-heçə etməyən yeganə komandadır. “Simurq”un isə 6 heç-heçəsi var. Zaqatala təmsilçisi həm də ən az uduzan komanda olub – cəmi 1 dəfə. Ən az – cəmi 2 qələbə isə “Sumqayıt”ın hesabındadır. “Kəpəz” isə 6 oyunu xalsız tərk edib.
Qeyd edək ki, final mərhələsinin 60 oyununda qapılara 137 qol vurulub.
Qəbələ 5 2 3 16 - 9 17
Rəvan 4 4 2 16 - 10 16
Xəzər Lənkəran 4 3 3 11 - 9 15
Simurq 3 6 1 9 - 7 15
Bakı 5 0 5 15 - 14 15
AZAL 4 3 3 9 - 9 15
Turan 3 5 2 13 - 9 14
Neftçi 4 2 4 10 - 13 14
Qarabağ 3 3 4 10 - 14 12
İnter 3 2 5 8 - 11 11
Kəpəz 3 1 6 9 - 17 10
Sumqayıt 2 3 5 11 - 15 9
OXŞAR XƏBƏRLƏR
