Akademiyaya seçmələr start götürür

Sabah Qəbələdə Futbol Akademiyasına seçmələr start götürəcək. Ayın sonuna kimi davam edəcək prosesdə istənilən yeniyetmə futbolçunun iştirakı mümkündür.

"Qəbələ" PFK Uşaq Futbol Akademiyası 2009-cu ilin əvvəlində təsis olunub. Akademiyaya ilk seçim başa çatmaqda olan ilin yay aylarında aparılıb. Təxminən 600 azyaşlı futbolçu arasından 40 nəfər seçilərək akademiyaya cəlb olunub. Onlar hazırda U-13, U-15 və U-17 komandalarında "Qəbələ"nin şərəfini qoruyurlar və bu qısa müddət ərzində milli komanda seleksiyaçılarının da diqqətini çəkə biliblər. Akademiyaya seçilən futbolçular yaşayış yeri və qidalanma ilə təmin olunurlar, eyni zamanda orta məktəb təhsillərini Qəbələ şəhərində davam etdirmək imkanı qazanırlar.

Qarşıdan gələn seçmələrdə futbolçular akademiyanın inzibati binasında yerləşdiriləcəklər. Seçmələrdə yaşı 17-yə qədər olan istənilən futbolçu iştirak edə bilər.

6-31 yanvar tarixinə təyin olunan seçmə prosesə qatılmaq istəyənlər aşağıdakı şəxslə əlaqə saxlaya bilərlər:

Yusibov Muraz - (050) 4757778, (055) 3757778