14 oyun - 13 qələbə, 1 heç-heçə
Xəbərlər / 25 Fevral 2013 | 21:57392
"Qəbələ"nin 17 yaşa qədər futbolçulardan ibarət komandası məğlubiyyətsiz oyunlar seriyasını davam etdirir. Hazırda Azercell U-17 Liqasına başçılıq edən "qırmızı-qaralar" 2012-2013 mövsümünün startından bu yana keçirdiyi 14 oyunda sadəcə bir dəfə xal itkisiylə üzləşib. V tura təsadüf edən sözügedən qarşılaşmada "Qəbələ" AZAL-la sülh baglayıb - 2:2.
Qəbələ-Qarabağ 1:0
Rəvan-Qəbələ 1:2
Qəbələ-Neftçi 2:1
Bakı-Qəbələ 2:3
Qəbələ-AZAL 2:2
Qəbələ-İnter 3:2
ROİL-Qəbələ 0:6
Qəbələ-Turan 5:1
Simurq-Qəbələ 0:2
Qəbələ-Kəpəz 7:0
Gənclik-Qəbələ 0:2
Qəbələ-Sumqayıt 6:1
Xəzər Lənkəran-Qəbələ 2:3
Qarabağ- Qəbələ 2:3
Son - XIV turda "qırmızı-qaralar" "Qarabağ"ın qonağı olublar. Gərgin mübarizə şəraitində keçən matça "Qəbələ" daha fəal başlayıb. Bunun məntiqi nəticəsi kimi artıq 2-ci dəqiqədə qonaqlar hesabda irəli çıxıblar. Ehtiram Şahverdiyev fərqlənib. "Qarabağ"ın cavab qolu 22-ci dəqiqəyə təsadüf edib - 1:1. 28-ci dəqiqədə Famil Xəlilovun yetrimələri meydan sahiblərini yenidən mərkəzə dəvət ediblər. Ehtiram Şahverdiyev dublunu rəsmiləşdirib və aktivindəki qolların sayını 19-a çatdırıb.
İkinci yarıya "Qarabağ" daha fəal başlayıb və hissənin əvvəlində status-kvonu bərpa edib - 2:2. Qoldan sonra hücumlarının kəsərini artıran "Qəbələ" 70-ci dəqiqədə istəyinə nail olub. Vəzir Musayev Tərlan Əhmədovun cərimə zərbəsindən ötürdüyü topu başla tora göndərib - 3:2. Matçın final fitinə kimi hər iki tərəfin fərqlənmək imkanı olsa da, hesab dəyişməyib və "Qəbələ" cari mövsümdə 13-cü qələbəsini qazanıb. Bu qələbədən sonra "qırmızı-qaralar" aktivindəki xalların sayını 40-a çatdırıb. İkinci pillədə qərarlaşan "Neftçi"nin 36, uçüncü pilləyə sahiblik edən "Bakı"nın 33 xalı var.
| Yer | Komanda | O | Q | H | M | T/F | Xal |
| 1 | Qəbələ | 14 | 13 | 1 | 0 | 47-14 | 40 |
| 2 | Neftçi | 14 | 12 | 0 | 2 | 43-15 | 36 |
| 3 | Bakı | 14 | 11 | 0 | 3 | 52-12 | 33 |
| 4 | Qarabağ | 14 | 8 | 3 | 3 | 28-11 | 27 |
| 5 | İnter | 14 | 6 | 5 | 3 | 36-18 | 23 |
| 6 | Rəvan | 14 | 7 | 1 | 6 | 31-25 | 22 |
| 7 | AZAL | 14 | 5 | 3 | 6 | 15-21 | 18 |
| 8 | Sumqayıt | 14 | 5 | 2 | 7 | 19-30 | 17 |
| 9 | Gənclik | 13 | 4 | 3 | 6 | 19-35 | 15 |
| 10 | Turan | 13 | 4 | 2 | 7 | 14-27 | 14 |
| 11 | Kəpəz | 14 | 3 | 4 | 7 | 13-19 | 13 |
| 12 | Xəzər Lənkəran | 14 | 2 | 2 | 10 | 22-35 | 8 |
| 13 | ROİL | 13 | 1 | 2 | 10 | 12-50 | 5 |
| 14 | Simurq | 13 | 0 | 2 | 11 | 4-40 | 2 |
OXŞAR XƏBƏRLƏR
