UEFA İnkişaf turnirində iştirak edəcək 17 yaşadək futbolçulardan ibarət Azərbaycan milli komandasının yekun heyəti açıqlanıb. “Qəbələ”nin 4 futbolçusu yığmada yer alıb. Bu oyunçular Həbib Hüşənov, Səmid Əhmədov, Ömər Kərimov və Ziya Şəkərxanovdur. Onlar mayın 1-dən 7-dək Albaniyanın Tirana şəhərində təşkil olunacaq turnirdə millinin formasını geyinəcək. Millimiz ayın 2-də Farer adaları, 4-də Albaniya, 7-də Moldova ilə qarşılaşacaq.