“Qəbələ” Futbol Akademiyasının komandaları AFFA tərəfindən təşkil olunan liqalarda növbəti oyunlarını keçiriblər. Gənclər Liqasında komandamız “Sumqayıt”ı qəbul edib. U-19 komandamız qonaqların qapısından 6 cavabsız qol keçirərək böyükhesablı qələbə əldə edib. 21 görüşdə 57 xal toplayan “qırmızı-qaralar” yarışın vahid lideridir. U-17 evdə “Sumqayıt”a qalib gəlib – 1:0. Keçirdiyi 15 görüşdə 28 xal toplayan komandamız 4-cü pillədədir.

U-15 də eyni hesabla qalib gəlib. Futbolçularımız səfərdə İsgəndər Cavadov BFA-nı məğlubiyyətə uğradıblar. 18 matçda 48 xal yığma komandamız 1-ci pillədə qərarlaşıb. U-13 Paytaxt zonasında “Səbail”ə uduzub – 0:3. 19 oyundan sonra 27 xala malik “qırmızı-qaralar” 8-ci sırada yer alıb.