Noyabrın 7-də 2018-2019 mövsümü UEFA Gənclər Liqasının Çempionlar yolunun II mərhələsinin ilk oyununda “Qəbələ” Almaniyanın “Herta” klubunu qəbul edəcək.

“Qəbələ” İdman Klubu Qəbələ şəhər stadionunda baş tutacaq “Qəbələ” - “Herta” matçına Kütləvi İnformasiya Vasitələrinin nümayəndələri və fotoqraflar üçün akkreditasiya elan edir. Oyunda iştirak etmək istəyənlər təmsil etdikləri KİV-in adını, öz adını, soyadını, fotosunu, həmçinin Peşəkar Futbol Liqasının akkreditasiya vərəqəsini [email protected] elektron ünvanına göndərə bilərlər. Sadalananlardan hər hansı biri göndərilmədiyi halda akkreditasiya vəsiqəsi verilməyəcək. Hər media orqanına 1 press və 1 foto akkreditasiya vəsiqəsi (televiziyalara müxbir və operatorun hər birinə 1 press akkreditasiya) veriləcək. Müraciətlər 2 noyabr saat 20:00-dək qəbul olunacaq. 

Xatırladaq ki, noyabrın 7-də Qəbələ şəhər stadionunda keçiriləcək “Qəbələ” – “Herta” oyunu saat 17:00-da başlayacaq.