“Qəbələ”nin 19 yaşadək futbolçulardan ibarət komandası sabah növbəti avrokubok matçını keçirəcək. Son Azərbaycan çempionu UEFA Gənclər Liqasında ikinci oyununa çıxacaq. Çempionlar yolunda mübarizə aparan Famil Xəlilovun yetirmələri I mərhələnin cavab görüşündə Kiprin APOEL klubu ilə qarşılaşacaq. Nikosiyada keçirilən ilk görüşdə 1:1 hesablı heç-heçə edən “Qəbələ” mərhələ adlamağa çalışacaq. Ötən mövsüm bu yarışda mərhələ adlayan ilk və hələlik yeganə Azərbaycan klubu kimi tarixə düşən “qırmızı-qaralar” uğurunu təkrarlamaq üçün mübarizə aparacaq. Qəbələ şəhər stadionundakı qarşılaşmada komandamızı təkcə qələbə deyil, hətta qolsuz heç-heçə də qane edəcək. Xatırladaq ki, “Qəbələ” – APOEL oyunu saat 14:00-da başlayacaq.

UEFA Gənclər Liqası

Çempionlar yolu

I mərhələ, cavab oyunu

24 oktyabr

14:00. “Qəbələ” – APOEL (Kipr)

Baş hakim: Denis Şurman 

Baş hakimin köməkçiləri: Valentin Kutsev, Vladimir Korotin (hamısı Ukrayna)

Dördüncü hakim: Vüqar Həsənli (Azərbaycan)

UEFA nümayəndəsi: Amir Navon (İsrail)

Hakim-inspektor: Frits Ştuxlik (Avstriya)

Qəbələ şəhər stadionu

İlk oyun – 1:1