19 yaşadək futbolçulardan ibarət Azərbaycan millisinin heyəti açıqlanıb. İyulun 5-də təlim-məşq toplanışına start verəcək yığmaya “Qəbələ”nin 5 futbolçusu dəvət alıb. Bunlar Əmrah Zülfüqarlı, Vüsal Məsimov, İdris İnqilablı, Rüstəm Nuriyev və Kamran Quliyevdir. Yığmanın toplanışı Bakıda baş tutacaq. Ayın 27-dək hazırlıq keçəcək milli komanda 5 yoxlama oyununda qüvvəsini sınayacaq. İyulun 18-də və 21-də keçiriləcək matçlarda millinin rəqibi klubumuzun əvəzedici komandası olacaq.