AFFA-nın inzibati binasında U-10, U-11, U-12, Coca-Cola U-13 və U-14 liqalarının final mərhələsinin püşkü atılıb. “Qəbələ”nin müvafiq yaş qrupları üzrə komandalarının da rəqibləri müəyyənləşib. 

U-10 Liqasında 1/8 finalda akademiyamızın iki komandası mübarizə aparacaq. “Qəbələ” “Azəri” TİM, Gİİ isə “Vətən”lə üz-üzə gələcək. 

U-11 Liqasında mübarizəni “Qəbələ” davam etdirir. “Qırmızı-qaralar”ın 1/8 finaldakı rəqibi “Ağsu” olacaq. 

U-12 Liqasında bir komandamız 1/8 finalda oynayacaqsa, bir təmsilçimiz də pley-offda qüvvəsini sınayacaq. UGİM “Mingəçevir”lə pley-off səddini adlasa, 1/8 finalda “Vətən”lə görüşəcək. “Qəbələ” isə 1/4 finala vəsiqə uğrunda “Ağsu” ilə qarşılaşacaq. 

U-13 Liqasında həm “Qəbələ”, həm UGİM 1/8 finalda oynayacaq. Sonuncular “Zirə” ilə, “Qəbələ” isə “Kürmük” – “Mingəçevir” matçının qalibi ilə üz-üzə gələcək. 

U-14 Liqasında “Qəbələ” 1/8 finala yüksəlib. “Qırmızı-qaralar” 1/8 finalda “Viləş”lə görüşəcək.