“Qəbələ”nin futbolçusu Nigar Abdulova Azərbaycan milli komandasına çağırılıb. O, 19 yaşadək qızlardan ibarət yığmaya cəlb olunub. Nigarın yer aldığı millimiz martın 13-dən 17-dək Ukraynada təlim-məşq toplanışında iştirak edəcək. Kiyevdə baş tutacaq hazırlıq prosesində millimiz iki yoxlama oyununda qüvvəsini sınayacaq. Komandamız martın 14-də və 17-də Ukraynanın müvafiq yaş qrupundan olan yığması ilə görüşəcək.