“Qəbələ”nin futbolçusu Rauf Rüstəmli İspaniyanın Barselona şəhərində fəaliyyət göstərən “Marcet” Futbol Akademiyasına yollanıb. 17 yaşadək futbolçulardan ibarət Azərbaycan yığmasının üzvü inkişaf və daha rəqabətli mühitdə məşq keçmək məqsədilə AFFA tərəfindən bu akademiyaya göndərilib. O, noyabrın 25-dən dekabrın 22-dək “Marcet”də təcrübə keçəcək. Futbolçumuz 4 həftə ərzində gündəlik məşqlərlə paralel nəzəri məşğələlərdə də iştirak edəcək.