AFFA-nın təşkilatçılığı ilə keçirilən aşağı yaş qrupları üzrə komandalar arasında liqalarda yeni mövsümə start verilib. “Qəbələ”nin U-14, U-13, U-12, U-11 və U-10 komandaları müvafiq liqalarda ilk turun görüşlərini keçirib. 

Paytaxt zonasında çıxış edən U-14 “Qarabağ”a uduzub – 2:3. Eyni zonada mübarizə aparan U-13 isə “Xətai”ni böyük hesabla məğlub edib – 5:0.

Digər yaş qrupları üzrə komandalarımız Şimal-Qərb və Qarabağ regionunun Bakı zonasında mübarizəyə başlayıb. U-12 Liqasında “Qəbələ” UGİM-ə (İsmayıllı) qalib gəlib - 11:1. UGİM “Qəbələ” isə UGIM “Rabitəçi”yə (Yevlax) yenilib - 1:4. “Qəbələ” U-11 Liqasına daha böyükhesablı qələbə ilə start verib. “Qırmızı-qaralar” UGİM-i (Ağdaş) üstələyib – 24:2. U-10 Liqasında hər iki komandamız qalib gəlib. “Qəbələ” UGIM “Rabitəçi”ni (Yevlax) 12:1, UGİM “Qəbələ” isə UGİM-i (İsmayıllı) 4:2 hesabı ilə məğlub edib.