Bu gün AFFA-nın təşkilatçılığı ilə keçirilən U-13 Liqasına yekun vurulub. Turnirin final matçında “Qəbələ” və “Neftçi”nin 13 yaşadək futbolçulardan ibarət komandaları üz-üzə gəliblər. “Qırmızı-qaralar” bu matçdan 2:0 hesablı qələbə ilə ayrılıblar. 

Beləliklə, “Qəbələ” U-13 Liqasının çempionu adını qazanıb. Final matçından sonra mükafatlandırma mərasimi keçirilib. Yarışın ən güclü komandası medallarla təltif olunub. “Qəbələ” futbolçularına qızıl medallar və çempionluq kuboku verilib. 

Xatırladaq ki, paytaxt zonasından final mərhələsinə yüksələn “qırmızı-qaralar” 1/8 finalda Mingəçevir UGİM-ini (3:0, 3:0), 1/4 finalda “Sumqayıt”ı (4:0, 2:3), yarımfinalda “Səbail”i (2:2, 0:0) mübarizədən kənarlaşdırıb.