AFFA-nın aşağı yaş qrupları üzrə komandalar arasında keçirdiyi liqalarda növbəti oyunlar keçirilib. U-14, U-13, U-12, U-11 və U-10 liqalarında isə final mərhələsi davam edir. “Qəbələ”nin bu yaş qruplarından olan komandaları 1/4 finalın cavab oyunlarında qüvvələrini sınayıblar. 5 komandamızdan üçü yarımfinala yüksəlib.

Öz meydanında “Neftçi” PFK ilə qarşılaşan U-14 heç-heçə ilə kifayətlənib – 1:1. İlk görüşdə 0:1 hesabı ilə uduzan “qırmızı-qaralar” mübarizəni dayandırıb.

U-13 “Sumqayıt”la səfər oyununda 2:3 hesabı ilə uduzub. İlk qarşılaşmadakı 4:0 hesablı qələbə “Qəbələ”ni yarımfinala daşıyıb. Komandamızın bu mərhələdəki rəqibi “Səbail” olacaq.

U-12 səfərdə “Sumqayıt”la məhsuldar heç-heçə edib – 3:3. İlk görüşdə 0:1 hesabı ilə uduzan “qırmızı-qaralar” yarımfinala yüksələ bilməyib.

Rəqib meydanında “Sumqayıtspor”la qolsuz heç-heçə edən U-11 ilk matçdakı 3:1 hesablı qələbə sayəsində 1/4 final səddini adlayıb. “Qəbələ” yarımfinalda “Neftçi” PFK ilə görüşəcək.

U-10 evdə “Zirə”yə 2:3 hesabı ilə uduzub. İlk matçda əldə olunan 2:0 hesablı qələbə “qırmızı-qaralar”ın yarımfinala vəsiqə qazanması üçün kifayət edib. Bu mərhələdə komandamız “Vətən” RİOEUGFM ilə üz-üzə gələcək.