“Qəbələ”nin 15 yaşadək futbolçulardan ibarət komandası Azərbaycan çempionatının mükafatçısı olub. “Qırmızı-qaralar” Boulevard Hotel U-15 Liqasının son turunda “Viləş”lə qarşılaşıb. Komandamız bu görüşdə 7:2 hesablı qələbə qazanıb. Bununla da 28 oyundan sonra xal hesabını 69-a çatdıran “Qəbələ” yarışı 2-ci pillədə başa vurub. Hesabında 22 qələbə, 3 heç-heçə və 3 məğlubiyyət olan “qırmızı-qaralar” 92 qol vurub, 25-ni buraxıb. 

Beləliklə, “Qəbələ” mövsümü gümüş mükafatla bitirib. U-15 Liqasının çempionu adını “Vətən” bürünc medallarını isə “Keşlə” qazanıb. “Qırmızı-qaralar”ın mükafatlandırma mərasimi mayın 24-də keçiriləcək.