Macarıstanda keçirilən 15 yaşadək futbolçular arasında Qallini Dünya Kubokuna start verilib. “Qəbələ”nin U-15 komandası Budapeştdə keçirdiyi ilk oyunda yerli “Dinamo Star” klubu ilə üz-üzə gəlib. “Qırmızı-qaralar” bu matçda 2:1 hesablı qələbə qazanıb. Komandamızın qollarına Kamal Kazımov və Ümüd Həmzəyev imza atıblar. B qrupunda mübarizə aparan “Qəbələ” 2-ci oyununu sabah keçirəcək. Futbolçularımız İtaliyanın “Venetsiya” klubu ilə görüşəcək.