“Qəbələ”nin futbol akademiyasının komandaları növbəti oyunlarını keçiriblər. “Qırmızı-qaralar” AFFA-nın aşağı yaş qrupları üzrə təşkil etdiyi liqalarda qüvvələrini sınayıblar. 

Mövsümdə ikinci matçına çıxan U-17 “Sabah”ı qəbul edib. Komandamız meydandan üç xalla ayrılıb - 3:1. İki turdan sonra 3 xala malik “Qəbələ” 9-cu pillədə qərarlaşıb.

U-16 “Neftçi” ilə səfər görüşündə heç-heçəyə nail olub – 1:1. İki turda 4 xal yığan komandamız 5-ci sırada yer alıb.

U-15 mövsümdə ilk görüşünü keçirib. “Qəbələ” doğma divarlar arasında “Turan Tovuz” 8:0 hesabı ilə qalib gəlib. Paytaxt zonasında çıxış edən U-14-də mövsümə start verib. “Qırmızı-qaralar” “Neftçi” PFK-a 1:2 hesabı ilə uduzub.