“Qəbələ”nin 16 yaşadək futbolçulardan ibarət komandası növbəti qələbəsini qazanıb. U-16 Liqasında mübarizə aparan “qırmızı-qaralar” XVIII turda “Səbail”lə görüşüb. Komandamız bu qarşılaşmada 2:1 hesablı qələbə qazanıb. Bu, “Qəbələ”nin qış fasiləsindən sonra ardıcıl ikinci qələbəsi olub. Komandamız ötən tur səfərdə “Qarabağ”a 3:1 hesabı ilə qalib gəlib. 18 oyundan sonra “Qəbələ”nin aktivində 45 xal var. 15 qələbə və 3 məğlubiyyəti olan komanda yarışın lideridir.

Xatırladaq ki, futbol akademiyamızın digər komandaları mövsümün ikinci yarısına fevralda başlayacaq.