“Qəbələ” Futbol Akademiyasının komandaları AFFA-nın təşkil etdiyi liqalarda növbəti oyunlarını keçiriblər. U-19 səfərdə “Səbail”lə qarşılaşıb. 2:1 hesabı ilə qalib gələn “qırmızı-qaralar” liderliyini möhkəmlədib. Komandamız 19 oyunda 51 xal toplayıb.

Qış fasiləsindən sonra ilk matçına çıxan U-17 “Səbail”i qəbul edib. 4:1 hesablı qələbə qazanan “Qəbələ” 13 matçdan sonra 24 xalla 5-cidir. “Turan Tovuz”un qonağı olan U-16 rəqib meydanında 8 cavabsız qol vurub. 19 görüşdə 49 xal yığan “qırmızı-qaralar” yarışın lideridir. U-15 ev qarşılaşmasında “Zirə”ni məğlub edib - 2:1. 16 oyunda 42 xal toplayan “Qəbələ” 2-ci sırada qərarlaşıb.

Paytaxt zonasında çıxış edən U-14 “Səbail” üzərində qələbə qazanıb – 1:0. 16 görüşdə 36 xal yığan komandamız 3-cü pillədədir. Eyni zonada mübarizə aparan U-13 “Neftçi” PFK-nı məğlub edib – 3:2. 17 matçdan sonra 24 xala malik “qırmızı-qaralar” 8-ci sırada yer alıb.

Şimal-Qərb və Qarabağ regionunun Qəbələ zonasında 2 komandamız qüvvəsini sınayır. UGİM “Qəbələ” UGİM-ə (Yevlax) 3:0, “Qəbələ” UGIM “Rabitəçi”yə (Yevlax) 6:0 hesabı ilə qalib gəlib. 15 matçdan sonra “Qəbələ” 45 xalla 1-ci, UGİM “Qəbələ” 29 xalla 2-cidir. Eyni zona üzrə mübarizə aparan U-11

UGİM “Rabitəçi”nin (Yevlax) qapısından 10 cavabsız qol keçirib. 13 oyunun hamısında qalib gələn “qırmızı-qaralar” 1-ci pillədə qərarlaşıb. U-10 Liqasında da iki komandamız mübarizə aparır. UGİM (Qəbələ) UGİM “Rabitəçi”ni (Yevlax) 3:0, “Qəbələ” isə UGİM-i (Yevlax) 7:0 hesabı ilə yenib. 15 oyun keçirən komandalarımızdan “Qəbələ” 45 xalla 1-ci, UGİM 24 xalla 2-cidir.