“Qəbələ” futbol akademiyasının komandaları növbəti oyunlarını keçiriblər. “Tufan”ın qonağı olan U-17 minimal hesabla qalib gəlib – 1:0. Keçirdiyi 14 qarşılaşmada 27 xal toplayan “qırmızı-qaralar” turnir cədvəlində 5-cidir. U-16 rəqib meydanında “Sabah” üzərində qələbə qazanıb – 3:1. Hesabında 36 xal olan komandamız 14 matçdan sonra yarışın lideridir. Səfərdə “Neftçi” İK İB ilə qarşılaşan U-15 dörd cavabsız qol vurub. 12 matçda 34 xal yığan “Qəbələ” 1-ci pillədə qərarlaşıb.

Paytaxt zonasında mübarizə aparan U-14 “Sumqayıt”la görüşdə daha məhsuldar olub – 7:0. 13 oyunda 28 xal toplayan komanda 2-ci yerdədir. Şimal-Qərb və Qarabağ regionunun Qəbələ zonasında mübarizə aparan komandalarımız da hesablarına üç xal yazıblar. U-13 Oğuz UGİM-inə üç cavabsız qol vurub. Bu, “Qəbələ”nin ardıcıl 12-ci qələbəsi olub. U-12 komandamız Qəbələnin digər təmsilçisi UGİM-i 4:0 hesabı ilə yenib. İtkisiz irəliləyən “qırmızı-qaralar”ın 36 xalı var. Ardıcıl 13-cü qələbəsinə sevinən U-11 UGİM “Rabitəçi”nin (Yevlax) qapısından 11 top keçirib. Eyni rəqiblə üz-üzə gələn U-10 da qalib gəlib – 6:2. “Qəbələ” 12 oyundan sonra 36 xalla liderdir. Yüksək liqada çıxış edən qızlardan ibarət komanda “Fidan”ı məğlub edib – 7:1. Keçirdiyi 11 oyunda 13 xal yığan komandamız turnir cədvəlində 5-cidir.