“Qəbələ” akademiyasının komandaları liqalarda növbəti oyunlarını keçiriblər. Gənclər Liqasında mübarizə aparan U-19 səfərdə “Zirə” ilə üz-üzə gəlib. Qarşılaşma 1:1 hesabı ilə nəticələnib. 4 matçda 10 xal toplayan komandamız 4-cü pillədə qərarlaşıb.

İCBFA-nı qonaq edən U-17 böyük hesabla qələbə qazanıb. “Qəbələ” rəqib qapısına 9 cavabsız qol vurub. 5 oyundan sonra hesabında 13 xal olan “qırmızı-qaralar” yarışın lideridir.

Gəncədə “Kəpəz”in qonağı olan U-16 səfərdən xalsız dönüb – 1:2. Dörd qarşılaşmada 4 xal yığan “Qəbələ” turnir cədvəlində 7-cidir.

U-15 səfərdə ASTA ilə üz-üzə gəlib. “Qəbələ” 4:1 hesabı ilə qələbə qazanıb. Komandamız 4 görüşdən sonra 6 xalla 9-cu yerdə qərarlaşıb.