“Qəbələ” futbol akademiyasının komandaları növbəti oyunlarını keçiriblər. U-17 Sumqayıt səfərində İOEUGİM-in qapısından 10 cavabsız top keçirib. 13 oyunda 24 xal toplayan komandamız 5-ci pillədə yer alıb. U-16 rəqib meydanında “Sumqayıt”a uduzub – 0:1. 13 qarşılaşmada 33 xal yığan “qırmızı-qaralar” yarışın lideridir. “Zirə”ni qəbul edən U-15 4:0 hesablı qələbə qazanıb. 11 oyuna 31 xal toplayan komandamız liderliyini davam etdirir. Paytaxt zonasında çıxış edən U-14 ROFM-a qalib gəlib – 4:1. 12 qarşılaşmadan sonra 25 xala malik “Qəbələ” 3-cü pillədə yer alıb.

Digər komandalarımız Şimal-Qərb və Qarabağ regionunun Qəbələ zonasında növbəti matçlarına çıxıblar. İsmayıllı UGİM-i ilə qarşılaşan U-13 rəqibin qapısından 13 cavabsız top keçirib. Oynadığı 11 matçın hamısında qalib gələn “qırmızı-qaralar” zonanın lideridir. U-12 də ardıcıl 11-ci qələbəsini qazanıb. Komandamız İsmayıllı UGİM-ini 14:0 hesabı ilə yenib. Qəbələnin digər təmsilçisi UGİM-lə görüşən U-11 13:0 hesablı qələbə qazanıb. Bu, itkisiz irəliləyən komandamızın 12-ci qalibiyyəti olub. U-10 UGİM-ə (Ağdaş) qalib gəlib – 3:0. 11 matçda xal itirməyən “Qəbələ” 1-ci pillədə qərarlaşıb. Qızların Yüksək Liqasında mübarizə aparan komandamız isə “Uğur”a uduzub – 0:5. 10 qarşılaşmada 10 xal yığan “qırmızı-qaralar” turnir cədvəlində 5-cidir.