“Qəbələ” futbol akademiyasının komandaları növbəti oyunlarını keçiriblər. U-19 evdə “Sabah”a 0:2 hesabı ilə uduzub. 4 matçda 7 xal toplayan “qırmızı-qaralar” Gənclər Liqasında 4-cüdür. U-17 öz meydanında “Zirə”ni məğlub edib – 3:2.  6 matçda 9 xal toplayan “qırmızı-qaralar” 8-ci pillədə qərarlaşıb. “Qarabağ”ı qəbul edən U-16 meydandan üç xalla ayrılıb – 2:1. 6 turdan sonra 15 xala malik “Qəbələ” 2-ci yerdədir. U-15 rəqib meydanında “Binə”yə qalib gəlib – 3:1. 4 qarşılaşmada 10 xal toplayan “Qəbələ” 3-cü pillədə yer alıb. Paytaxt zonasında mübarizə aparan U-14 “Keşlə” ilə qolsuz heç-heçə edib. 5 oyunda 7 xal yığan “qırmızı-qaralar” 7-ci sıradadır. 

Digər komandalarımız isə Şimal-Qərb və Qarabağ regionunun Qəbələ zonasında qüvvələrini sınayırlar. U-13 “Şirvan”a (Ağdaş) 10 cavabsız qol vurub. Dörd turda 12 xal qazanan “Qəbələ” zonanın lideridir. U-12 İsmayıllı UGİM-inə 12 qol vuraraq ardıcıl 4-cü qələbə ilə zirvədəki yerini möhkəmlədib. U-11 Ağdaş “Şirvan”ına qalib gəlib – 10:2. Keçirdiyi 4 oyunda xal itirməyən “Qəbələ” 1-ci sırada qərarlaşıb. U-10 İsmayıllı UGİM-inin qapısından 10 cavabsız qol keçirib. Komandamız 4 oyunda topladığı 12 xalla yarışın lideridir.