“Qəbələ” akademiyasının komandaları liqalarda növbəti oyunlarını keçiriblər. Gənclər Liqasında mübarizə aparan U-19 səfərdə “Sumqayıt”a qalib gəlib – 2:1. 5 matçda 13 xal toplayan komandamız 4-cü pillədə qərarlaşıb. U-17 ev görüşündə EFA üzərində qələbə qazanıb – 3:2. 7 oyundan sonra hesabında 19 xal olan “qırmızı-qaralar” turnir cədvəlində ikincidir.

İCBFA-nın qonağı olan U-16 səfərdən üç xalla ayrılıb – 3:1. Komandamız 6 görüşdən sonra 8 xalla 6-cı yerdə qərarlaşıb. U-15 səfərdə “Sabah”a uduzub – 1:4. Altı qarşılaşmada 9 xal yığan “Qəbələ” turnir cədvəlində 8-cidir.