“Qəbələ” akademiyasının komandaları liqalarda növbəti oyunlarını keçirib. Gənclər Liqasında mübarizə aparan U-19 İCBFA ilə görüşüb. “Qırmızı-qaralar” ev qarşılaşmasında böyük hesabla qalib gəlib – 7:0. Keçirdiyi hər üç matçda qalib gələn komandamız 9 xalla 2-ci pillədə qərarlaşıb.

U-17 də böyük hesabla qələbə qazanıb. Komandamız səfərdə UFA-nın qapısına üç cavabsız qol vurub. 4 matçda 7 xal toplayan “Qəbələ” turnir cədvəlində ikincidir.

“Atletiko Baku”nu qonaq edən U-16 məhsuldar heç-heçə edib – 2:2. Üç qarşılaşmada 4 xal yığan “qırmızı-qaralar” 6-cı sırada yer alıb.

U-15 evdə “Zirə”yə 0:5 hesabı ilə uduzub. Komandamız üç görüşdən sonra 3 xalla 11-cıdır.