UEFA Gənclər Liqasının Çempionlar yoluna start verilib. Bu yarışda Azərbaycanı təmsil edən “Qəbələ”nin U-19 komandası ilk oyununu sabah keçirəcək. I mərhələdən mübarizəyə başlayacaq “qırmızı-qaralar” Moldovanın “Şerif” komandasını sınağa çəkəcək. Emin İmaməliyevin yetirmələri rəqibini Qəbələ şəhər stadionunda qonaq edəcək. Matç saat 18:00-da başlayacaq.

Bu, komandamızın UEFA Gənclər Liqasında ikinci sınağıdır. “Qəbələ” 2016/17 mövsümündə də Çempionlar yolunda mübarizə aparıb. Həmin vaxt I mərhələdə Rusiya “Dinamo”su (Moskva) qarşılaşan (0:2, 0:5) komandamız bu səddi keçə bilməyib.

Xatırladaq ki, “Qəbələ” və “Şerif” arasında cavab oyunu oktyabrın 24-də Tiraspolda baş tutacaq.

UEFA Gənclər Liqası

Çempionlar yolu

I mərhələ, ilk oyun

3 oktyabr 

18:00. “Qəbələ” (Azərbaycan) – “Şerif” (Moldova)

Hakimlər: Giorgi Kruaşvili, Zaza Menteşaşvili, Zaza Pipiya (hamısı Gürcüstan), İnqilab Məmmədov (Azərbaycan)

Qəbələ şəhər stadionu