“Qəbələ” Futbol Akademiyasının komandaları AFFA-nın yeniyetmə futbolçular arasında təşkil etdiyi liqalarda növbəti oyunlarını keçirib.
11 oyun keçirən təmsilçilərimiz bu matçların hamısında qalib gəlib. 76 qol vuran komandalarımız 5 top buraxıb.
U-19 evdə “Qarabağ”ı 2:0,ardınca səfərdə AZAL-ı 7:0 hesabı ilə məğlub edib. 3 oyunda 6 xal toplayan komandamız 3-cü pillədə qərarlaşıb. “Qəbələ” IV turda “Zirə”ni qəbul edəcək.
U-17 “Vətən” RİOEUG-la səfər oyununda 5:1 hesabı ilə məğlub edib. 3 oyundan sonra 9 xalla yarışın lideri olan “qırmızı-qaralar” IV turda “Kəpəz”i qəbul edəcək.
U-16 Liqasında 2-ci qələbəsini qazanan “Qəbələ” “Əlincə”ni 2:1 hesabı ilə məğlub edib. 2 turdan sonra 6 xal toplayan komandamız çempionatın lideridir.
AZAL-la ev (+:-), “Neftçi” İK İB ilə səfər (3:1) oyunlarında qalib gələn U-15 yeddi turdan sonra 21 xalla turnir cədvəlinin 1-ci pilləsində yer alıb. “Qırmızı-qaralar” növbəti turda “Zirə”nin qonağı olacaq.
Paytaxt regionunun Bakı zonasında çıxış edən U-14 “Rəvan”ı 11:0 hesabı ilə məğlub edib. 2 turdan sonra 6 xalla liderlər qrupunda qərarlaşan “Qəbələ” III turda “Sumqayıt”la üz-üzə gələcək. Eyni zonada çıxış edən U-13 “Zirə”ni 6 cavabsız qolla məğlub edib. 2 oyunda 4 xal yığan komandamız III turda AZAL-la qarşılaşacaq.
U-12, U-11 və U-10 komandalarımızın çıxış etdiyi Şimal-Qərb və Qarabağ regionunun Qəbələ zonasında II turun oyunları keçirilib. U-12 Şəkinin “Şorsu” komandasını 15:0 hesabı ilə məğlub edib. 6 xalla liderlik edən “qırmızı-qaralar”ın növbəti rəqibi UGİM (Mingəçevir) olacaq. U-11 Liqasında ilk turda istirahət edən “Qəbələ” İsmayıllı UGİM-inə 10 cavabsız qol vurub. Növbəti turda komandamız Oğuzun UGİM-i ilə üz-üzə gələcək. Klubumuzun U-10 komandası Qəbələnin digər təmsilçisi UGİM-i 15:2 hesabı ilə yenib. Hesabında 6 xal olan “qırmızı-qaralar” Şəki UGİM-i ilə qarşılaşacaq.
