Azərbaycan Premyer Liqasının 2020/21 mövsümündə “Qəbələ”nin heyətində 25 futbolçu meydana çıxıb. Arxada qalan 28 turda “qırmızı-qara” formada ən çox matçda iştirak edən oyunçu Nikolas Rayseldir. Fransalı legioner 26 qarşılaşmada şans qazanıb. Üç futbolçu – Rafael Utziq, Stefan Vukçeviç və Asif Məmmədov hərəyə 25 oyunda meydana çıxıb. Baş məşqçi Elmar Baxşıyevin güvəndiyi 25 nəfərlik heyətdən 16-sı qarşılaşmaların yarısından çoxunda iştirak edib.
Bu oyunçulardan 16-sı yerli, 9-u legioner statusu daşıyıb. Əcnəbilər müxtəlif ölkələri təmsil edib: Fransa, Gürcüstan, Çili, Monteneqro, Toqo, Albaniya, Xorvatiya, Braziliya və Nigeriya.
Mövsüm ərzində iki qolkiper “Qəbələ”nin qapısını qoruyub. Anar Nəzirov 22, Tərlan Əhmədli 7 matçda forma geyinib.
“Qəbələ”nin qollarına 11 futbolçu imza atıb. “Qırmızı-qaralar”ın bombardiri Rafael Utziqdir. Braziliyalı legioner rəqib qapılarına 5 dəfə yol tapıb. Ceyms Adeniyinin aktivində 4 top var. Nikolas Raysel 3 dəfə fərqlənib. Üç oyunçu 2, beş futbolçu isə 1 dəfə qol sevinci yaşayıb.
futbolçu oyun dəqiqə qol sarı qırmızı
Nikolas Raysel 26 2186 3 2 1
Rafael Utziq 25 2109 5 5 0
Stefan Vukçeviç 25 1955 1 4 0
Asif Məmmədov 25 1834 2 7 0
Yurgen Qoxa 24 2030 2 7 0
Vinko Medimoreç 23 2023 1 2 0
Ceyms Adeniyi 23 1512 4 4 0
Anar Nəzirov 22 1955 -35 6 0
Merab Qiqauri 22 1780 1 7 2
Rövlan Muradov 21 1348 1 7 1
Cavid Hüseynov 20 774 0 5 0
Murad Musayev 18 1489 0 6 0
Ülvi İsgəndərov 18 621 1 0 0
Rüfət Əhmədov 17 1483 0 4 1
Ehtiram Şahverdiyev 16 1045 0 3 0
İdris İnqilablı 15 1213 0 1 0
Yusif Nəbiyev 14 597 2 2 0
Tərlan Əhmədli 7 565 -9 1 0
Roman Hüseynov 6 67 0 0 0
Qismət Alıyev 5 450 0 1 0
Kamal Mirzəyev 4 192 0 2 0
Faiq Hacıyev 2 180 0 0 0
Rodriqo Qattas 2 135 0 1 0
Sadiq Quliyev 1 18 0 0 0
Yaovi Akakpo 1 13 0 0 0
