“Qəbələ” – “Səbail” – 2:1
10 mart 2019. Saat 14:00. Qəbələ şəhər stadionu, 550 tamaşaçı
Baş hakim: İnqilab Məmmədov
Baş hakimin köməkçiləri: Pərvin Talıbov, Cavanşir Yusifov
Dördüncü hakim: Rövşən Rəcəbov
Hakim-inspektor: Fariz Mürşüdov
AFFA nümayəndəsi: Erkin Hüseynov
Sarı vərəqələr: Ceyms Adeniyi, 45+1 (qeyri-idman hərəkəti); Bəhlul Mustafazadə, 62, 73 (qeyri-idman hərəkəti) // Ruslan Qurbanov, 22 (hakimin qərarına etiraz); Yevgeni Koçuk, 34 (qeyri-idman hərəkəti); Elvin Yunuszadə, 54 (qeyri-idman hərəkəti); Kevin Kubemba, 70 (qeyri-idman hərəkəti)
Qırmızı vərəqə: Bəhlul Mustafazadə, 73
Qollar: Ceyms Adeniyi, 49, 55 // Elvin Yunuszadə, 84
Artırılan vaxt: I hissədə - 3 dəq; II hissədə - 4 dəq.
Topaz Premyer Liqasında XX turun ikinci oyun gününə start verilib. Günün ilk qarşılaşması Qəbələdə baş tutub. “Qəbələ” öz meydanında “Səbail”i qəbul edib. “Qırmızı-qaralar” matça ötən turla müqayisədə üç dəyişikliklə başlayıb. Urfan Abbasov, Asif Məmmədov və Rauf Əliyev start heyətində yer alıblar. Onlar “11-lik”də Cavid Hüseynov, Sabien Lilay və Qismət Alıyevi əvəzləyiblər.
Qəbələ şəhər stadionundakı matç qarşılıqlı hücumlarla başlayıb. Görüşün əvvəlində Ceyms Adeniyi və Stiven Monrozun qapı istiqamətində zərbələri yaddaqalan olub. Lakin hər iki halda futbolçuların zərbəsi istənilən kimi alınmayıb. Tədricən topa nəzarəti ələ alan “Qəbələ” daha çox hücum etsə də, rəqib qapısı önündə real qol vəziyyəti yaratmaqda çətinlik çəkib. Monrozun yaxın məsafədən endirdiyi daha bir zərbə effektli alınmayıb. Hissənin ikinci yarısında fəallığı artıran qonaqlar bir neçə hücum təşkil edib. Bunlardan birində Ruslan Qurbanovun yaxın məsafədən zərbəsini Dmitri Bezotosnı qaytarıb. “Qırmızı-qaralar”ın cavabı da özünü gözlətməyib. Futbolçularımızın ardıcıl bir neçə zərbəsi rəqib müdafiəçilərə tuş gəldikdən sonra Ceyms Adeniyi dirəyi nişan alıb.
İkinci hissəyə daha istəkli başlayan “qırmızı-qaralar” oyunun taleyini qısa müddətdə həll edib. Fasilədən az sonra Rauf Əliyevin qüvvətli zərbəsi qapının üstündən keçib. Ardınca Lalavele Atakoranın sağ cinahdan ötürməsindən sonra Raufla divar paslaşması edən Ceyms Adeniyi hesabı açıb. Bu, nigeriyalının Premyer Liqanın cari mövsümündə 7-ci qolu olub. Hesabı açdıqdan sonra da hücumlarına ara verməyən “Qəbələ” fərqi də artırıb. Stiven Monrozun cərimə meydanı daxilindən qapı önünə ötürməsini qapayan Adeniyi dublunu rəsmiləşdirib – 2:0. Məğlub duruma düşən paytaxt təmsilçisi böyük qüvvə ilə irəli atılıb. Belə hücumların biri Şəhriyar Rəhimovun cərimə zərbəsindən tiri nişan alması ilə nəticələnib. Qonaqların fəallaşması “Qəbələ”nin sürətli hücumlar təşkil etməsinə imkan yaradıb. Belə həmlələrin birində Asif Məmmədov fərqlənməyə yaxın olub. Onun təhlükəli zərbəsini rəqib qolkiper qaytarıb. Bəhlul Mustafazadənin ikinci sarı vərəqəyə görə meydanı tərk etməsindən sonra “qırmızı-qaralar” azlıqda qalıb. Say üstünlüyü qazanan “Səbail” matçın sonluğunda daha çox hücumlar təşkil edib. Dmitri Bezotosnı Yevgeni Kocukun zərbəsini qaytarmağı bacarıb. Lakin künc zərbəsindən sonra Elvin Yunuszadə baş toxunuşu ilə fərqi azaldıb. Qarşılaşmaya artırılmış dəqiqələrdə Adeniyi əks-hücumda daha bir qol vurmağa yaxın olsa da, zərbəsi dəqiq alınmayıb. Ardınca isə Bezotosnının “seyv”i Koçukun fərqlənməsinə imkan verməyib.
Beləliklə, “Qəbələ” “Səbail”lə ev matçında 2:1 hesablı qələbə qazanıb və aktivini 28 xala çatdırıb.
“Qəbələ”
22. Dmitri Bezotosnı
5. Rasim Ramaldanov
34. Urfan Abbasov (k)
4. Elvin Camalov
11. Asif Məmmədov
(88. Sabien Lilay, 83)
10. Rauf Əliyev
(18. İlqar Qurbanov, 80)
21. Atakora Lalavele
(9. Davit Volkov, 68)
17. Ceyms Adeniyi
28. Stiven Monroz
27. Bəhlul Mustafazadə
2. Amin Seydiyev
Ehtiyat oyunçular:
1. Anar Nəzirov
35. Murad Popov
8. Qismət Alıyev
7. Roman Hüseynov
98. Rövlan Muradov
6. Rüstəm Nuruyev
77. Samir Qurbanov
Baş məşqçi: Zaur Həşimov
“Səbail”
1. Aleksandr Rıbka
13. Şəhriyar Rəhimov
14. Rahid Əmirquliyev (k)
11. Ruslan Qurbanov
(9. İmanol İriberri, 63)
10. Ağabala Ramazanov
32. Elvin Yunuszadə
4. Enrike Perilyo
99. Jarjue Maudo
(21. Akpoveta Oke, 78)
8. Yevgeni Koçuk
28. Kevin Kubemba
(33. Tome Kitanovski, 72)
7. Fəhmin Muradbəyli
Ehtiyat oyunçular:
25. Elxan Əhmədov
50. Fərhad Vəliyev
20. Eltun Yaqublu
26. Kamal Qurbanov
5. Vüqar Bəybalayev
3. Tamazi Tsetsxladze
27. Emil Martinov
18. Aqşin Qurbanlı
77. Ədilxan Qarəhmədov
Baş məşqçi: Aftandil Hacıyev
