“Qəbələ” Futbol Akademiyasının komandaları ötən həftə ərzində növbəti oyunlarını keçirib. Müxtəlif yarışlarda baş tutan qarşılaşmalarda “qırmızı-qaralar” 4 qələbə qazanıb. U-17 kubokunda 1/4 finalın cavab oyununda “Qarabağ”ın qonağı olan “Qəbələ” evdə məğlub etmədiyi (1:1) rəqibini səfərdə böyük hesabla üstələyib – 4:1. Yarımfinala yüksələn komanda 2015-ci ildə “Neftçi” ilə üz-üzə gələcək.
U-19 komandası səfərdə “Xəzər Lənkəran”a qalib gəlib – 3:1. 12 matçda 23 xal toplayan komanda hazırda 4-cü pillədə qərarlaşıb. İlin son matçında “Sumqayıt”la görüşəcək “Qəbələ” XV turda evdə oynayacaq. U-16 “Rəvan”a 4:1 hesabı ilə qalib gəlib. 12 oyundan sonra 31 xal toplayan “qırmızı-qaralar” qış fasiləsinə 2-ci pillədə yollanıb. U-15 2014-cü ilə “Simurq” üzərində böyükhesablı qələbə ilə yekun vurub – 8:1. 12 matçda 29 xal toplayan komanda fasiləyə lider kimi çıxıb.
