“Qəbələ” – “Rəvan” - 1:1
30 noyabr 2015. Saat 17:00. Qəbələ şəhər stadionu. 1100 tamaşaçı
Baş hakim: Rauf Cabbarov
Baş hakimin köməkçiləri: Azər Əsgərov, Vüsal Qənbərov
Dördüncü hakim: Rəvan Həmzəzadə
AFFA nümayəndəsi: Məmmədəli Məmmədov
Hakim-inspektor: Əli Hüseynov
Sarı vərəqələr: Məhəmməd Mirzəbəyov, 17 (simulyasiya) // Elvin Əliyev, 34 (rəqibi tutduğuna görə); Kostyantin Maxnovski, 72 (qeyri-idman hərəkəti); Vüqar Bəybalayev, 78 (hakimin qərarına etiraz); Şeriff Suma, 82 (oyunun bərpasını uzatdığına görə); Saşa Yunisoğlu, 90+3 (oyunun bərpasını uzatdığına görə)
Qollar: Fakundo Pereyra, 90+5 // Tural Qürbətov, 66
Artırılan vaxt: I hissədə - 1 dəq.; II hissədə - 5 dəq.
Bu gün Topaz Premyer Liqasında XIV tura yekun vurulub. Turun son qarşılaşması Qəbələdə keçirilib. “Rəvan”la qarşılaşan “Qəbələ” doğma azarkeşləri önündə növbəti matçını keçirib. 3 xal qazanacağı halda, 2-ci pilləyə yüksələcək “qırmızı-qaralar” Bakı klubu ilə qarşılaşmaya qələbə üçün çıxıb. Komandamız paytaxt təmsilçisi ilə görüşlərdəki uğurlu seriyanı davam etdirməyə çalışıb. Roman Qriqorçukun yetirmələri bu rəqiblə 10-cu görüşə son 6 qarşılaşmadakı məğlubiyyətsizliyi qələbə ilə davam etdirmək istəyi ilə başlayıb. “Qəbələ” oyuna son çempionat matçı ilə müqayisədə ciddi dəyişikliklərlə çıxıb. Belə ki, ötən turun “Sumqayıt”la səfər görüşündə start “11-lik”də meydana çıxanlardan 7-si bu dəfə kənarda qalıb. Bunlar Andrey Popoviç, Vojislav Stankoviç, George Floresku, Asif Məmmədov, Vitali Vernidub, Rikardinyo, Ürfan Abbasovdur. Onların əvəzinə Dmitri Bezotosnı, Ermin Zets, Məhəmməd Mirzəbəyov, Sergey Zenyov, Rafael Santos, Vaqif Cavadov və Ruslan Abışov ilk dəqiqələrdən meydana çıxıb. Matçdan əvvəl “Qəbələ”dəki oyun sayında 100-ü arxada qoyan Samir Zərgərova xatirə hədiyyəsi təqdim olunub. Qarşılaşmaya fəal başlayan “qırmızı-qaralar” ilk dəqiqələrdən üstünlüyü ələ alıb. Rəqib qapısına ardıcıl hücumlar təşkil edən komandamız qonaqların müdafiə səddini yarmağa çalışıb. Bakılılar isə müdafiəyə çəkilib, imkan yarananda əks həmlələr qurub. Aşkar üstün futbol oynamasına baxmayaraq “Qəbələ” rəqib qapısında real qol vəziyyəti yaratmaqda çətinlik çəkib. Belə vəziyyətlərdə isə meydan sahiblərinin hesabı açmasına qapıçının inamlı oyunu mane olub. Aleksey Antonov iki dəfə fərqlənməyə yaxın olsa da, məhz rəqib qolkiper onun qarşısını alıb. Fasilədən sonra da oyunun axarı dəyişməyib. “Qırmızı-qaralar” üstünlüyünü qola çevirmək üçün hücumlarına ara verməyib. Matç boyu əks-hücumlar üçün şansını gözləyən “Rəvan” isə azsaylı həmlələrindən birində istəyinə çatıb. Tural Qürbətovun zərbəsi ilə qonaqla hesabı açıb. Qol epizodunda topun qapı önündəki oyunçulardan birinə toxunması Dmitri Bezotosnının zərbənin istiqamətini düz tapmasına imkan verməyib. Məğlub duruma düşən “qırmızı-qaralar” daha böyük qüvvə ilə irəli atılıb. Roman Qriqorçuk əvəzetmələrlə hücum xəttini daha da gücləndirib. Amma müdafiəyə qapanan paytaxt təmsilçisi matçın sonlarınadək hesabı qoruya bilib. Yalnız görüşün son saniyələrində “Qəbələ” hesabda tarazlıq yarada bilib. Məhəmməd Mirzəbəyovun sağ cinahdan ötürməsini Fakundo Pereyra tamamlayıb – 1:1. Beləliklə, “qırmızı-qaralar” ardıcıl 3-cü Premyer Liqa oyununda heç-heçəyə nail olub.
“Qəbələ”
22. Dmitri Bezotosni
4. Elvin Camalov
7. Ermin Zets
(32. Fakundo Pereyra, 64)
8. Məhəmməd Mirzəbəyov
9. Sergey Zenyov
19. Aleksey Qay (k)
21. Arif Daşdəmirov
44. Rafael Santos
69. Aleksey Antonov
70. Vaqif Cavadov
(66. Samir Zərgərov, 54)
87. Ruslan Abışov
(6. Rəşad Sadiqov, 80)
Ehtiyat oyunçular:
1. Andrey Popoviç
3. Voislav Stankoviç
25. Qismət Alıyev
34. Ürfan Abbasov
Baş məşqçi: Roman Qriqorçuk
“Rəvan”
32. Kostyantin Maxnovski
11. Şeriff Suma
19. Tural Qürbətov
(15. Ceyhun Abdullayev, 85)
99. Nicat Muxtarov
17. Ramazan Abbasov (k)
(55. Hüseyn Axundov, 90+1)
2. Ruslan Tağızadə
13. Cəmşid Məhərrəmov
6. Vüqar Bəybalayev
3. Saşa Yunisoğlu
4. Kənan Müslümov
14. Elvin Əliyev
(21. Novruz Məmmədov, 52)
Ehtiyat oyunçular:
1. Rəşad Əzizli
39. Əlibəy Məmmədli
91. Urfan İsmayılov
20. Kənan Manafov
Baş məşqçi: Bəhmən Həsənov
