“Rəvan” – “Qəbələ” – 0:2
(Ramil Hasanov, 14; Ramin Hüseynov, 16)
Bu gün əvəzedicilərin yarışında XXII turun son oyunları keçirilir. Çempionatın lideri “Qəbələ” “Rəvan”la qarşılaşıb. İlk iki dövrədə rəqibinə xal verməyən “qırmızı-qaralar” səfər matçına da qələbə üçün çıxıb. Ramin Quliyevin yetirmələri ilk dəqiqələrdən üstünlüyü ələ alıb. Bunun nəticəsində artıq 14-cü dəqiqədə “Qəbələ” hesabı açıb. Ramil Hasanov mövsümdə 10-cu qolunu vurub. Bununla da o, komanda yoldaşı Ehtiram Şahverdiyevin 14 qolla başçılıq etdiyi bombardirlər yarışında 2-ci pilləyə şərik olub. Qoldan sonra hücumları davam etdirən komandamız 2 dəqiqə sonra fərqi artırıb. Bu dəfə Roman Hüseynov fərqlənib. O, mövsümdə 3-cü qolunu vurub. Bundan sonra da üstünlüyü əldən verməyən “qırmızı-qaralar” fərqi daha da artırmaq üçün hücumlar təşkil etsə də, hesabı dəyişə bilməyib. Meydan sahiblərinin də təsəlli qolu vurmaq istəyi gerçəkləşməyib. Beləliklə, ən yaxın izləyicisi ilə 4 xallıq fərqi qoruyan “Qəbələ” ardıcıl 3-cü qələbəsini qazanıb. Quliyevin yetirmələri “İnter” (2:0) və “Sumqayıt”la (2:1) matçlarda olduğu kimi yenə 2 qolla 3 xal əldə edib.
| 1 | Qəbələ | 22 | 15 | 1 | 6 | 47-23 | 46 |
| 2 | Sumqayıt | 22 | 12 | 6 | 4 | 45-23 | 42 |
| 3 | Neftçi | 22 | 11 | 4 | 7 | 50-31 | 37 |
| 4 | Kəpəz | 22 | 9 | 7 | 6 | 27-28 | 34 |
| 5 | Qarabağ | 22 | 9 | 7 | 6 | 30-20 | 34 |
| 6 | Zirə | 21 | 8 | 5 | 8 | 24-32 | 29 |
| 7 | Rəvan | 22 | 9 | 2 | 11 | 32-31 | 29 |
| 8 | İnter | 22 | 6 | 3 | 13 | 33-46 | 21 |
| 9 | Xəzər Lənkəran | 21 | 6 | 2 | 12 | 26-49 | 20 |
| 10 | AZAL | 22 | 4 | 3 | 15 | 22-53 | 15 |
