“Xəzər Lənkəran” – “Qəbələ” – 0:7
(Ramil Hasanov, 6, 27, 29, 38, 44; Yusif Dilanov, 80; Roman Hüseynov, 85)
Əvəzedicilərin çempionatında XXXI turun növbəti oyunları keçirilib. “Qəbələ” səfərdə “Xəzər Lənkəran”la qarşılaşıb. Son 4 turda qələbə qazanan “qırmızı-qaralar” səfər oyununda da 3 xal əldə edib. Meydan sahiblərinin qapısından 7 cavabsız top keçirən Ramin Quliyevin yetirmələri mövsümün rekordunu təkrarlayıb. Belə ki, cari mövsümün bunadək qeydə alınan yeganə 7 top fərqinə komandamız nail olmuşdu. Ötən il oktyabrın 24-də “Qəbələ” “Zirə”ni 8:1 hesabı ilə məğlub etmişdi. Ardıcıl 5-ci qələbədə Ramil Hasanovun 5 qolu böyük rol oynayıb. Oyunun ilk hissəsində 5 qol vuran futbolçumuz mövsümün ilk penta-trikinin müəllifi olub. Matçın sonlarında Yusif Dilanov və Roman Hüseynov hesabı 7:0-a çatdırıb. Beləliklə, xal hesabını 69-a çatdıran “qırmızı-qaralar” ən yaxın izləyicisi ilə fərqi 13-ə qədər artırıb.
| 1 | Qəbələ | 31 | 22 | 3 | 6 | 79-29 | 69 |
| 2 | Qarabağ | 31 | 16 | 8 | 7 | 49-28 | 56 |
| 3 | Sumqayıt | 30 | 16 | 7 | 7 | 57-33 | 55 |
| 4 | Kəpəz | 30 | 13 | 10 | 7 | 47-38 | 49 |
| 5 | Neftçi | 31 | 14 | 6 | 11 | 59-40 | 48 |
| 6 | Zirə | 31 | 13 | 5 | 13 | 45-48 | 44 |
| 7 | İnter | 31 | 10 | 4 | 17 | 51-62 | 34 |
| 8 | Rəvan | 30 | 10 | 2 | 18 | 37-59 | 32 |
| 9 | AZAL | 30 | 7 | 5 | 18 | 36-64 | 26 |
| 10 | Xəzər Lənkəran | 31 | 6 | 2 | 23 | 31-90 | 20 |
