“Qəbələ” – “Simurq” – 1:0
9 aprel 2015. Saat 19:00. Qəbələ şəhər stadionu, 3000 tamaşaçı
Baş hakim: Elvin Əsgərov
Baş hakimin köməkçiləri: Rahil Ramazanov, Munis Abdullayev
Dördüncü hakim: Nahid Əliyev
Əlavə köməkçi hakimlər: Vüsal Əliyev, İnqilab Məmmədov
AFFA nümayəndəsi: Telman Əzizov
Hakim-inspektor: Asim Xudiyev
Sarı vərəqələr: Ekiqo Ehiosun, 62 (hakim qərarına etiraz); Ruslan Fomin, 70 (qeyri-idman hərəkəti); Bəxtiyar Soltanov, 71 (qeyri-idman hərəkəti); Cavid Hüseynov, 86 (oyunun bərpasını gecikdirdiyinə görə) // Vüqar Mustafayev, 34 (qeyri-idman hərəkəti); Samir Zərgərov, 79 (qeyri-idman hərəkəti)
Qollar: Ruslan Abışov, 60
Artırılan vaxt: I hissədə - yoxdur.; II hissədə 3 dəq.
Bu gün Topaz Premyer Liqasında XXIX turun oyunları keçirilib. “Qəbələ” öz meydanında “Simurq”u qəbul edib. Ardıcıl 5 qələbə qazanıb, 4-cü pilləyə yüksələn “qırmızı-qaralar” turnir cədvəlindəki ən yaxın izləyicisi ilə qarşılaşmada mövqeyini möhkəmlətmək iddiası ilə meydana çıxıb. Son oyunlarda eyni start heyətinə güvənən Roman Qriqorçuk bu dəfə də ötən turdakı “11-lik”də dəyişiklik etməyib.
İlk dəqiqələrdə qarşılıqlı hücumlar şəraitində keçən matçın əvvəlində qonaqlar daha çox fəallıq göstərib. Lakin Dmitri Bezotosnının etibarlı, Elvin Camalovun inamlı oyunu bir neçə epizodda hesabın açılmasına imkan verməyib. 17-ci dəqiqədə Ruslan Abışovun ötürməsini Bəxtiyar Soltanov dəqiq zərbəylə tamamlaya bilməyib. 4 dəqiqə sonra Ruslan Fomin əlverişli mövqedən hədəfə düşməyib. “Simurq”un uzaqdan endirdiyi təhlükəli zərbələrə, Camalov cavab verib. Lakin zərbə qapının üstündən keçib. Fasiləyə 10 dəqiqə qalmış Abışovun cərimə zərbəsindən endirdiyi zərbəni Pavel Kapsa qaytara bilib. Cavid Hüseynovun zərbəsi də yaddaqalan olub. Amma onda da dəqiqlik çatmayıb. Qolsuz bitən ilk yarının ardından ikinci hissə qonaqların hücumları ilə başlayıb. Yenə oyuna qoşulan Bezotosnı inamlı çıxış edib. Ardınca bir neçə təhlükəli hücum təşkil edən “qırmızı-qaralar” hesabı açıb. Sağ cinahdan yan xəttə yaxın nöqtədən təyin olunan cərimə zərbəsini yerinə yetirən Abışov qarşılaşmada hesabı açıb – 1:0. Kapitanın qolundan özünə gəlməmiş qonaqların qapısı önündə növbəti təhlükə Fominlə yaranıb. Lakin ukraynalı real qol vəziyyətindən istifadə edə bilməyib. Ekiqo Ehiosunun ötürməsindən sonra Soltanov da qola yaxın olub. Fomin final fitinə 10 dəqiqə qalmış daha bir əlverişli imkanı qaçırıb. Bundan sonra qonaqlar fəallaşsa da, real qol vəziyyəti yarada bilməyib.
Beləliklə, “Qəbələ” Topaz Premyer Liqasında ardıcıl 6-cı qələbəsini qazanıb.
“Qəbələ”
22. Dmitri Bezotosnı
4. Elvin Camalov
9. Viktor Mendi
(90. Ekiqo Ehiosun, 62)
14. Cavid Hüseynov
15. Ruslan Abışov (k)
18. Ruslan Fomin
(32. Mixail Sivakov, 90+2)
19. Aleksey Qay
20. Rikardinyo
27. Bəxtiyar Soltanov
(6. Rəşad Sadiqov, 82)
34. Ürfan Abbasov
44. Rafael Santos
Ehtiyat oyunçular:
30. Anar Nəzirov
5. Sadiq Quliyev
16. Ruslan Tağızadə
25. Adrian Ropotan
Baş məşqçi: Roman Qriqorçuk
“Simurq”
1. Pavel Kapsa
2. İlkin Qırtımov (k)
3. Adam Banaş
4. Xuan Alberto
6. Samir Zərgərov
(13. Əli Gökdemir, 89)
10. Rəşad Eyubov
11. Draqan Çeran
14. Vüqar Mustafayev
(22. Cihan Özkara, 71)
18. Tural Axundov
26. Benjamin Lambot
88. Marko Stanoyeviç
(15. Stepan Polyak, 83)
Ehtiyat oyunçular:
35. Amil Ağacanov
7. Elnur Abdullayev
8. Patrik Osiako
20. İdan Vaytsman
Baş məşqçi: George Çixradze
