QƏBƏLƏ FC

Yeniyetmə boksçular arasında Azərbaycan birinciliyinə yekun vurulub. Şağan Olimpiya Kompleksində keçirilən yarışda “Qəbələ” İdman Klubunun təmsilçiləri də çıxış edib. 7 gün davam edən yarışda klubumuzun 8 boksçusu mübarizə aparıb.

Birincilikdə “Qəbələ”nin iki boksçusu fəxri kürsüyə yüksələ bilib. Fərid Səfərli 44 kq çəki dərəcəsində keçirdiyi bütün qarşılaşmalarda qalib gəlib. Bununla da o, birinciliyin qızıl medalına sahib çıxıb. 81+ kq çəki dərəcəsində çıxış edən Ramiz Nadirov isə yarımfinaladək irəliləyib. Finalın bir addımlığında məğlub olan boksçumuz birinciliyi bürünc medalla başa vurub.