Azərbaycan birinciliyində 4 medal
Cüdo / 13 İyun 2018 | 21:041409
23 yaşadək cüdoçular arasında Azərbaycan birinciliyinə yekun vurulub. Sumqayıt Olimpiya İdman Kompleksində təşkil olunan yarışda ümumilikdə 49 klubdan 373 cüdoçu (306 oğlan, 67 qız) mübarizə aparıb. İki gün davam edən birincilikdə “Qəbələ” İdman Klubunun üzvləri də qüvvəsini sınayıb. Cüdoçularımız yarışda 4 medal qazanıb. Bunlardan biri qızıl, ikisi gümüş, biri bürünc olub. +100 kq çəki dərəcəsində “Qəbələ” təmsilçilərinin finalı baş tutub. Ayxan Cəfərova qalib gələn Camal Feyziyev birinciliyin qalibi adını qazanıb. Ayxan kimi 100 kq çəki dərəcəsində çıxış edən İmran Yusifov da yalnız finalda uduzaraq gümüş medala yiyələnib. 66 kq çəki dərəcəsində mübarizə aparan İsmayıl İbrahimov isə fəxri kürsünün 3-cü pilləsinə yüksəlib.
OXŞAR XƏBƏRLƏR
