Sentyabrın 29-u Şağan Olimpiya Kompleksində cüdo üzrə klublar arası Azərbaycan Kubokunun 4-cü dövrə yarışı keçirilib. Turnirdə çıxış edən "Qəbələ" KKTT 1 komandası ilə üz-üzə gəlib. Qarşılaşmanı yüksək səviyyədə keçirən "Qəbələ" cüdoçuları rəqiblərini 8:1 hesabilə məğlub ediblər.
Qeyd edək ki, artıq klublar arası Azərbaycan Kubokunun seçmə mərhələsi və 4 dövrə yarışı geridə qalıb. 7 çəki dərəcəsi üzrə keçirilən yarışda hər komanda maksimal 10 idmançı (3 nəfər gənc və 7 nəfər böyük) ilə çıxış edir.
Dördüncü dövrə yarışının nəticələri aşağıdakı kimidir:
"Atilla" 6 : 5 "Neftçi" (dövrə yarışı heç-heçə ilə nəticələndiyindən püşk atma ilə 66 kq çəki təmsilçiləri yenidən görüşüb və bu qarşılaşmada "Atilla" qalib gəlib)
"Sərhədçi" 1 : 9 "Judo2012"
"Improtex" 8 : 2 Lokomotiv
KKTT 1 : 8 "Qəbələ"
Klublar arası Azərbaycan Kubokunun növbəti mərhələsi oktyabr ayının 6-sı baş tutacaq (ümumilikdə qarşıda 3 dövrə yarışı və dördlər finalı keçiriləcək).
