2018/2019 mövsümü üçün futbol üzrə Azərbaycan kubokunun püşkatma mərasimi keçirilib. Püşkatmaya görə, “Qəbələ” Azərbaycan kubokunda ilk oyununu 1/4 final mərhələsi çərçivəsində keçirəcək. “Qırmızı-qaralar” bu mərhələdə “Ağsu” – “Sabah” cütünün qalibi ilə görüşəcək. Bu komandalar dekabrın 6-da üz-üzə gələcək. “Qəbələ”nin mübarizəyə qoşulacağı 1/4 finalın ilk oyunları dekabrın 15-16-da, cavab görüşləri 19-20-də baş tutacaq.
Yeni mövsümdə 12 klub sözügedən turnirdə qüvvəsini sınayacaq. Topaz Premyer Liqasının 8, I divizionun 4 komandası kubok yarışında mübarizəyə başlayacaq. Bunlar “Qarabağ”, “Zirə”, “Qəbələ”, “Keşlə”, “Neftçi”, “Sumqayıt”, “Səbail”, “Sabah”, “Kəpəz”, “Qaradağ Lökbatan”, “Şüvəlan” və “Ağsu” komandalarıdır.
Sizləri püşkatmanın nəticələri ilə tanış edirik:
Azərbaycan kuboku
1/8 final (6 dekabr)
1. “Ağsu” - “Sabah”
2. “Şüvəlan” - “Keşlə”
3. “Qaradağ Lökbatan” - “Sumqayıt”
4. “Kəpəz” - “Səbail”
1/4 final (15-16 / 19-20 dekabr)
“Qəbələ” - 1-ci cütün qalibi
“Qarabağ” - 2-ci cütün qalibi
“Neftçi” - 3-cü cütün qalibi
“Zirə” - 4-cü cütün qalibi
