“Qəbələ” – “Panatinaikos” (Yunanıstan) – 0:0
UEFA Avropa Liqası, pley-off mərhələsi, ilk oyun
20 avqust. Saat 21:00. Bakı. “Bakcell Arena” stadionu
Baş hakim: Andre Marriner (İngiltərə)
Baş hakimin köməkçiləri: Simon Bennett, Li Betts (hər ikisi (İngiltərə)
Dördüncü hakim: Robert Madli (İngiltərə)
Hakim-inspektor: Zbiqnev Przesmiçki (Polşa)
UEFA nümayəndəsi: Oleq Xarlamov (Estoniya)
Sarı vərəqələr: Zeka, 31, Rafael Santos, 49, Yens Vemmer, 63, Aleksey Antonov, 83
Artırılan vaxt: I hissəyə 1 dəq.; II hissəyə 4 dəq.
UEFA Avropa Liqasında mübarizə aparan “Qəbələ” bu gün pley-off mərhələsində ilk oyununu keçirib. Əvvəlki 3 mərhələni uğurla adlayan “qırmızı-qaralar” öz meydanında Yunanıstanın “Panatinaikos” klubunu qəbul edib. UEFA Çempionlar Liqasının III təsnifat mərhələsində uduzub, mübarizəni Avropa Liqasında davam etdirən Afina təmsilçisi ilə görüş Bakıdakı “Bakcell Arena”da baş tutub. Cari mövsüm qitəmiqyaslı turnirdə keçirdiyi əvvəlki 3 ev oyunda qalib gələn komandamız oyuna “Sülh üçün futbol”, qonaqlar isə “Zorakılığa yox” pankartı ilə çıxıb. “Qəbələ” matça son avrokubok oyunu ilə müqayisədə iki dəyişikliklə başlayıb. Roman Qriqorçuk Kipr “Apollon”u ilə ev oyununda iştirak edən Ürfan Abbasov və Cavid Hüseynovun əvəzinə bu dəfə Ermin Zets və zədədən sonra oyuna hazır olan Rikardinyoya “11-lik”də yer verib.
İlk hissə təxminən mübarizə şəraitində keçib. Qarşılaşmaya daha fəal başlayan “Qəbələ” artıq 4-cü dəqiqədə rəqib qapısı önündə təhlükə yaradıb. Mərkəzlə irəliləyən Aleksey Qayın 22 metrdən qüvvətli zərbəsini qapıçı qaytarıb. Oyunu bərabərləşdirən yunanıstanlıların 15-ci dəqiqədə müdafiə xəttimizə həyəcan yaşadıb. Mladen Petriçin zərbəsi dirəkdən dönüb. Daha çox cinahlarla hücumlar təşkil edən “qırmızı-qaralar”ın kapitanı Dodonun sol kənardakı fəallığı diqqət çəkib. Braziliyalı Aleksey Antonovun ötürməsindən sonra 8 metrdən başla zərbə vursa da, çərçivəyə düşməyib. Alekseyin az sonra 18 metrdən endirdiyi zərbədə də dəqiqlik çatmayıb. Fasiləyədək qonaqlar da Dmitri Bezotosnını narahat etməyə macal tapsa da, ukraynalı inamlı oynayıb.
Fasilədən sonra xeyli fəallaşan “Panatinaikos” ardıcıl hücumlar təşkil edib. Rəqibin qarşısını alarkən önündə sarı vərəqə görən Rafael Santos cəzalı duruma düşüb. Serbiya “Çukariçki”si ilə hər iki qarşılaşmada xəbərdarlıq görən braziliyalı Afinadakı cavab matçını buraxacaq. Qonaqların hissənin əvvəlindəki təzyiqinin qarşısını alan “Qəbələ” üstünlüyü də ələ almağa bacarıb. “Panatinaikos” futbolçuları Dodonun sol cinahdan cərimə meydanına daxil olmasının qarşısını kobudluqla alıb. Az sonra Antonovun uzaq zərbəsi müdafiəçiyə toxunub, qapının üstündən keçib. Afinalılar əvəzetmələrlə oyunda müəyyən dönüş yaratmağa nail olub. Belə ki, Yunanıstan təmsilçisi də ardıcı hücumlar qurub. Markus Berq iki qol imkanı əldə edib. Əvvəl Rafael onun güclü zərbə vurmasına imkan verməyərək, Bezotosnının topu dəf etməsinə imkan yaradıb. Bir neçə dəqiqə sonra isə qapının bir neçə metrliyində olan futbolçu topa toxuna bilməyib. “Qəbələ”nin cavabı çox təhlükəli alınıb. Müdafiəçini aldadıb cərimə meydanına daxil olan Sergey Zenyovun 13 metrdən endirdiyi zərbə alınmayıb. Matçın sonluğu isə “qırmızı-qaralar”ın üstünlüyü şəraitində keçsə də, hesab dəyişməyib.
Beləliklə, ilk üç ev oyununda quru hesabla qalib gələn “Qəbələ” qələbə və qol seriyasını davam etdirə bilməsə də, qapısını yenə toxunulmaz saxlayıb – 0:0.
“Qəbələ”
22. Dmitri Bezotosnı
21. Arif Daşdəmirov
3. Vojislav Stankoviç
44. Rafael Santos
20. Rikardinyo
6. Rəşad Sadiqov
7. Ermin Zets
(66. Samir Zərgərov, 58)
9. Sergey Zenyov
19. Aleksey Qay
10. Dodo (k)
69. Aleksey Antonov
(11. Asif Məmmədov, 90)
Ehtiyat oyunçular:
33. David Pietrzkeviç
4. Elvin Camalov
8. Məhəmməd Mirzəbəyov
5. Georgi Floresku
15. Vitali Vernidub
Baş məşqçi: Roman Qriqorçuk
“Panatinaikos”
15. Luke Steele
4. Giorgios Katrumbis
20. Statis Tavlaridis
11. Yens Vemmer
21. Nano
17. Robin Lod
(14. Abdul Ayaqun, 67)
10. Zeka (k)
32. Daniel Pranyiç
23. Nikos Kaltsas
(8. Tassos Laqos, 76)
19. Nikos Karelis
(9. Markus Berq, 58)
33. Mladen Petriç
Ehtiyat oyunçular:
1. Stefanos Katsolis
3. Diamantis Çuçumiç
12. Nikos Marinakis
29. Sotiris Ninis
Baş məşqçi: Yannis Anastasiu
