Avropanın ən məhsuldar futbolçularının siyahısı açıqlanıb. Rumıniyanın Prosport.ro portalı UEFA-ya üzv olan ölkələrin milli çempionatlarının bombardirlərini müqayisə edib. Bu futbolçuların qol sayının meydanda olduğu dəqiqələrə nisbətinə görə tərtib olunan siyahıda 14 oyunçu yer alıb. Cədvələ “Qəbələ”nin hücumçusu Baqali Dabo başçılıq edir.
Topaz Premyer Liqasının bombardiri rəqib qapılarından keçirdiyi 7 qolu meydanda olduğu 452 dəqiqə ərzində vurub. Bu isə o deməkdir ki, fransalı legioner orta hesabla hər 64 dəqiqədən bir qol sevinci yaşayır. Bu göstərici Avropada ən yüksək rəqəmdir.
Dabo ən yaxın izləyicisi Bolqarıstanın “Lüdoqorets” klubunda çıxış edən Klaudiu Keşerunu 4 dəqiqə qabaqlayır. Siyahıda “Böyük Beşlik” ölkələrindən Almaniya, İtaliya, Fransa və İspaniya çempionatlarının bombardirləri də yer alıb. Bundesliqada 70 dəqiqədən bir fərqlənən Antoni Modeste, Liqa 1-də 77 dəqiqəyə bir qol vuran Edinson Kavani, Primerada hər qol üçün 82 dəqiqə sərf edən Lionel Messi və A seriyasında 88 dəqiqəlik intervalla rəqib qapısına yol tapan Edin Dzeko kimi ulduzlar da Dabodan geri qalıb.
1. Bagali Dabo (“Qəbələ”, Azərbaycan) – 64 dəqiqə
2. Klaudiu Keşeru (“Lüdoqorets”, Bolqarıstan) – 68 dəqiqə
3-4. Antoni Modeste (“Köln”, Almaniya) – 70 dəqiqə
Musa Mareqa (“Gimaraynş”, Portuqaliya) – 70 dəqiqə
5. Edinson Kavani (PSJ, Fransa) – 77 dəqiqə
6-7. Lionel Messi (“Barselona”, İspaniya) – 82 dəqiqə
Matt Derbişir (“Omoniya”, Kipr) – 82 dəqiqə
8-9. Edin Dzeko (“Roma”, İtaliya) – 88 dəqiqə
Saba Lobjanidze (“Çixura”, Gürcüstan) – 88 dəqiqə
10. Deni Alar (“Şturm”, Avstriya) – 89 dəqiqə
11. Braun İdeye (“Olimpiakos”, Yunanıstan) – 92 dəqiqə
12. Boyan Kalyeviç (“Baltsan”, Malta) – 93 dəqiqə
13. Süleyman Krpiç (“Sloboda”, Bosniya və Herseqovina) – 98 dəqiqə
14. Azdren Luliaku (“Qaz Metan”, Rumıniya) – 103 dəqiqə
Xəbərə keçid: http://www.prosport.ro/fotbal-intern/liga-1/exclusiv-golgheterul-romaniei-llullaku-povesteste-pentru-prosport-cel-mai-important-gol-al-carierei-n-a-fost-marcat-in-liga-1-ce-spune-despre-interesul-manifestat-de-steaua-si-dinamo-15887950
