QƏBƏLƏ FC

Azərbaycanın və “Qəbələ” İdman Klubunun təmsilçisi, qarışıq döyüş növlərində (MMA) çıxış edən Bəxtiyar Abbasov növbəti döyüşünü keçirib. Təmsilçimiz Rusiyanın Sankt-Peterburq şəhərində təşkil olunan “Fight Nights Petersburg” çərçivəsində Qamzat Xiramaqomedovla üz-üzə gəlib.
Rusiya idmançısı ilə qarşılaşma Abbasovun peşəkar döyüşlərdə 19-cu sınağı olub. 84 kq çəki dərəcəsində keçirilən qarşılaşma “Krepost” klubunu təmsil edən Xiramaqomedovun qələbəsi ilə başa çatıb. Döyüş sambosu üzrə Rusiya çempionatının mükafatçısı, MMA üzrə Dünya kubokunun qalibi və Avropa çempionu olan meydan sahibi doğma divarlar arasında qalib gəlib. Hesabında 14 qələbə olan Abbasov ümumilikdə 5-ci, 2015-ci ildə ilk dəfə məğlub olub.