“Qarabağ” – “Qəbələ” – 2:1
29 noyabr 2016. Saat 19:00. Azersun Arena, 3800 tamaşaçı
Baş hakim: Rəhim Həsənov
Baş hakimin köməkçiləri: Namiq Hüseynov, Akif Əmirəli
Dördüncü hakim: Coşqun Həsənov
Əlavə köməkçi hakimlər: Əliyar Ağayev, Orxan Məmmədov
AFFA nümayəndəsi: Ramiz Mustafayev
Hakim-inspektor: Məlik Həsənov
Sarı vərəqələr: Maksim Medvedev, 74 (qeyri-idman hərəkəti); Dani Kintana, 90+2 (qeyri-idman hərəkəti); Riçard Almeyda, 90+4 (qeyri-idman hərəkəti); İbrahim Şehiç, 90+4 (qeyri-idman hərəkəti) // Ruslan Qurbanov, 72 (hakim qərarına etiraz); Rikardinyo, 90 (hakim qərarına etiraz); Urfan Abbasov, 90+2 (qeyri-idman hərəkəti)
Qırmızı vərəqə: Riçard Almeyda, 90+4 (aqressiv hərəkət)
Qollar: Filip Ozobiç, 64 // Riçard Almeyda, 87 (p.); Dino Ndlovu, 90+4
Artırılan vaxt: I hissədə dəq.; II hissədə 4 dəq.
Bu gün Topaz Premyer Liqasında XIII tura yekun vurulub. Turun son günündə bir qarşılaşma baş tutub. Çempionatın liderləri “Qəbələ” və “Qarabağ” sonuncuların meydanında üz-üzə gəlib. Ardıcıl 14 ev oyununda qalib gələn son üç mövsümün çempionu liderliyi ələ keçirmək, 14 turdur uduzmayan “qırmızı-qaralar” mövqeyini qorumaq üçün meydana çıxıblar. Komandamızın baş məşqçisi Roman Qriqorçuk ötən turun “Zirə” ilə matçı ilə müqayisədə ilk “11-lik”də 3 dəyişiklik edib. O, Asif Məmmədov, Teo Uiks və Ürfan Abbasova start heyətində yer verib. Onlar burada Məhəmməd Mirzəbəyov, Baqali Dabo və Rəşad Eyubovu əvəzləyiblər.
“Azərsun Arena”dakı görüş meydan sahiblərinin hücumları ilə başlayıb. Daha fəal olan Ağdam təmsilçisi üstünlüyü ələ almağı bacarıb. Müdafiədə etibarlı oynayan “qırmızı-qaralar” isə qonaqlara real qol vəziyyətləri yaratmağa mane olub. “Qarabağ” ilk imkanını hissənin ortalarında yaradıb. Dani Kintananın uzaq zərbəsi qapı dirəyinə tuş gəlib. Az sonra ispaniyalı legioner yenidən təhlükəli epizod yaradıb. Lakin Dmitri Bezotosnı onun zərbəsini dəf edib. İlk yarıda daha çox müdafiə olunan “Qəbələ”nin qol epizodu daha təhlükəli alınıb. Hissənin son dəqiqəsində Ruslan Qurbanovun cərimə meydançası daxilindən vurduğu topu rəqib müdafiəçi boş qapıdan çıxarıb.
Eyni ssenari ilə başlayan ikinci hissədə də Qurbanov meydan sahiblərinə gərgin anlar yaşadıb. Cərimə zərbəsindən sonra əlverişli mövqedən qapını nişan alan hücumçunun hesabı açmasına İbrahim Şehiçin reaksiyası mane olub. Komandamızın növbəti sürətli həmləsi isə qolla nəticələnib. Asifin uzun ötürməsindən sonra rəqib müdafiəçidən sıyrılan Filip Ozobiç bir toxunuşla üz-üzə qaldığı qapıçını da arxada qoyub. Çərçivəni qorumaq üçün önünə atılan müdafiəçinin yanından topu qapıya göndərən xorvatiyalı hesabı açıb – 1:0. Az sonra meydan sahiblərinin müdafiəçiləri daha bir səhvə yol versə də, əlverişli imkan əldə edən “qırmızı-qaralar” sürəti azaltmaqla hücumu boşa verib. Buraxılan qoldan sonra meydan sahibləri təzyiqi daha da artırıb. Bir neçə dəfə Bezotosnı oyuna daxil olubsa, müdafiə xətti də öz inamlı çıxışı ilə diqqət çəkib. Görüşün 87-ci dəqiqəsində isə matçın hakimi Rəhim Həsənov mübahisəli penalti təyin edib. Qapıçımız Riçard Almeydanın zərbəsinin istiqamətini tapsa da, küncdəki topu çıxara bilməyib – 1:1. Buraxılan qoldan sonra müdafiədə etibarlı oyununu davam etdirən komandamız fərqlənmək imkanı da qazanıb. Ozobiç növbəti dəfə müdafiəçilərdən sıyrılıb, qapıçı ilə üz-üzə çıxmağa yaxın olsa da, onun qarşısı kobudluqla alınıb. Bu, Almeydanın meydandan qovulması ilə nəticələnib. Matça 4 dəqiqə artıran hakim oyunu 90+7-ci dəqiqəyə kimi davam etdirib. Həmin vaxt meydan sahibləri Dino Ndlovunun qolu ilə hesabda önə çıxıb – 2:1.
Beləliklə, son 14 çempionat matçında uduzmayan “Qəbələ”nin məğlubiyyətsiz oyunlar seriyası qırılıb.
“Qarabağ”
13. İbrahim Şehiç
5. Maksim Medvedev (k)
8. Markos Madera
9. Reynaldo
(22. Əfran İsmayılov, 70)
15. Rahid Əmirquliyev
(91. Coşqun Diniyev, 75)
20. Riçard Almeyda
25. Ansi Aqolli
32. Elvin Yunuszadə
55. Bədavi Hüseynov
11. Mahir Mədətov
(6. Dino Ndlovu, 75)
99. Dani Kintana
Ehtiyat oyunçular:
12. Şahrudin Məhəmmədəliyev
2. Qara Qarayev
10. Muarem Muarem
18. İlqar Qurbanov
Baş məşqçi: Qurban Qurbanov
“Qəbələ”
22. Dmitri Bezotosnı
3. Voislav Stankoviç
4. Elvin Camalov
6. Rəşad Sadiqov (k)
10. Ruslan Qurbanov
11. Asif Məmmədov
15. Vitali Vernidub
19. Filip Ozobiç
20. Rikardinyo
27. Teo Uiks
94. Urfan Abbasov
Ehtiyat oyunçular:
33. David Pietrzkeviç
9. Sergey Zenyov
14. Cavid Hüseynov
17. Məhəmməd Mirzəbəyov
44. Rafael Santos
70. Fərid Nəbiyev
88. Tellur Mütəllimov
Baş məşqçi: Roman Qriqorçuk
