“Proqres” (Lüksemburq) - “Qəbələ” – 0:1
19 iyul. Saat 21:30. Differdanj. Şəhər munisipal stadionu
UEFA Avropa Liqası. I təsnifat mərhələsi, cavab oyunu
Baş hakim: Keyt Kennedi
Baş hakimin köməkçiləri: Stefen Donaldson, Kristian Fransis Hanna
Dördüncü hakim: Evan Boys (hamısı Şimali İrlandiya)
Hakim-inspektor: Milan Karadjiç (Serbiya)
UEFA nümayəndəsi: Oleq Xarlamov (Estoniya)
Sarı vərəqələr: Rasim Ramaldanov, 17, Rauf Əliyev, 65, Aleksandr Karapetyan, 69, Ürfan Abbasov, 73, Cavid Hüseynov, 79, Mario Mutş, 86, Olivye Till, 88, Ceyms Adeniyi, 89, Marven Martens, 90+3, Aqil Məmmədov, 90+3
Qırmızı vərəqə: Təmkin Xəlilzadə, 79
Qol: Stiven Monroz, 28
Artırılan vaxt: I hissədə 2 dəq.; II hissədə 4 dəq.
İlk oyun – 2:0
“Qəbələ” bu gün avrokuboklarda növbəti oyununu keçirib. “Qırmızı-qaralar” UEFA Avropa Liqasının I təsnifat mərhələsinin cavab oyununda “Proqres”lə qarşılaşıb. Matç Lüksemburqun Differdanj şəhərində baş tutub. Baş məşqçi Sənan Qurbanov Qəbələdəki ilk görüşlə müqayisədə heyətdə üç dəyişiklik edib. Rasim Ramaldanov, Cavid Hüseynov və Təmkin Xəlilzadə ilk dəqiqələrdən meydana çıxıb. Əvəzində Bəhlul Mustafazadə, Vojislav Stankoviç və Elvin Camalov “11-lik”dən kənar qalıb.
Evdəki 0:2 hesablı məğlubiyyətin əvəzini çıxmaq üçün ilk dəqiqələrdən irəli atılan “qırmızı-qaralar” təşəbbüsə yiyələnib. Komandamız topa daha çox nəzarət edib. Lakin meydan sahiblərinin sürətli əks-hücumları da kifayət qədər təhlükəli alınıb. İlk yarıda bir neçə dəfə oyuna daxil olan Dmitri Bezotosnı lüksemburqluların fərqlənməsinə imkan verməyib. “Qəbələ” isə 11-ci dəqiqədə hesabı açmaq imkanı qazansa da, Ceyms Adeniyinin zərbəsi dəqiq alınmayıb. Hücumlarına ara verməyən “qırmızı-qaralar” 28-ci dəqiqədə hesabı açıb. Asif Məmmədovun ötürməsindən sonra Stiven Monroz fərqlənib. Fasilə ərəfəsində fransalı dublunu rəsmiləşdirmək şansı əldə edib. Lakin rəqib qapıçı əlverişli nöqtədən endirilən zərbəni dəf edib. İlk hissənin sonunadək hər iki qapıçının ifasında daha bir seyv qeydə alınıb.
İkinci hissədə görüşün ssenarisi dəyişməyib. “Qəbələ” daha çox hücum edib, “Proqres” isə kəskin əks-həmlələrə bel bağlayıb. Hər iki qapı istiqamətində zərbələr olsa da, qolkiperlər hesabın dəyişməsinə imkan verməyib. Sənan Qurbanov yeni transfer Lalavele Atakoranı meydana buraxıb. Onun qapı istiqamətində ardıcıl iki yaddaqalan zərbəsindən birini Sebastyan Floos dəf edibsə, ikincidə dəqiqlik çatmayıb. Bezotosnı isə Mayron de Almeydanın fərqlənməsinə imkan verməyib. Qarşılıqlı hücumlarla davam edən matçın sonluğu gərgin alınıb. Təmkin Xəlilzadənin qırmızı vərəqə alıb, meydanı tərk etməsindən sonra da üstün futbol nümayiş etdirən “qırmızı-qaralar” rəqib qapısına yol da tapıb. Lakin Adeniyinin fərqləndiyi epizodda hakim oyundankənar vəziyyət qeydə alıb. Görüşün sonlarında Rauf Əliyev ümumi hesabı tarazlaşdırmaq imkanı qazansa da, çərçivəyə düşməyib.
Beləliklə, Lüksemburqdan minimal hesablı qələbə ilə dönən “Qəbələ” iki oyunun nəticəsinə görə mübarizəni dayandırıb.
“Proqres” (Lüksemburq)
1. Sebastyan Floss
7. Mayron de Almeyda
9. Yannik Bastos
(87. Aleksandr Karapetyan, 29)
10. Olivye Till
(5. Ben Foqel, 90)
14. Emmanuel Fransuaz
(70. Matias Markes, 85)
19. Mario Mutş
20. Cordan Qobron
22. Marven Martens
23. Adrian Ferino
31. Sebastyan Till (k)
34. Tim Hall
Ehtiyat oyunçular:
13. Çarli Şinker
8. Dino Ramdedoviç
21. Kevin Kerger
28. Romeu Torres
Baş məşqçi: Paolo Amodio
“Qəbələ” (Azərbaycan)
22. Dmitri Bezotosnı
5. Rasim Ramaldanov
10. Rauf Əliyev
11. Asif Məmmədov
(21. Lalavele Atakora, 56)
14. Cavid Hüseynov (k)
17. Ceyms Adeniyi
18. İlqar Qurbanov
28. Stiven Monroz
33. Təmkin Xəlilzadə
34. Ürfan Abbasov
88. Sabien Lilay
Ehtiyat oyunçular:
30. Aqil Məmmədov
4. Elvin Camalov
7. Roman Hüseynov
8. Qismət Alıyev
13. Hacıağa Hacıyev
27. Bəhlul Mustafazadə
Baş məşqçi: Sənan Qurbanov
