«Qəbələ» - «Qarabağ» - 1:1
02 may 2015. Saat 19:00. Qəbələ şəhər stadionu. 3700 tamaşaçı
Baş hakim: Elvin Əsgərov
Baş hakimin köməkçiləri: Yaşar Abbasov, Zeynal Zeynalov
Dördüncü hakim: Vüsal Əliyev
AFFA nümayəndəsi: Şaiq Həmidov
Hakim-inspektor: Füzuli Nəcəfov
Sarı vərəqələr: Ruslan Abışov, 36 (qeyri-idman hərəkəti); Rikardinyo, 53 (bilərəkdən əl ilə oyun); Rəşad Sadiqov, 60 (qeyri-idman hərəkəti) // Leroy Corc, 17 (qeyri-idman hərəkəti); Ansi Aqolli, 41 (bilərəkdən əl ilə oyun); İbrahim Şehiç, 89 (qeyri-idman hərəkəti)
Qollar: Reynaldo, 55 // Cavid Hüseynov, 90 (p.)
Artırılan vaxt: I hissədə - 1 dəq.; II hissədə - 3 dəq.
Bu gün Topaz Premyer Liqasında XXXII tura yekun vurulub. Son 8 oyunda qələbə qazanan “Qəbələ” öz meydanında “Qarabağ”ı qəbul edib. Roman Qriqorçuk son matçlarla müqayisədə start heyətində bəzi dəyişikliklər edib. Cəzalı Elvin Camalovla yanaşı, Ruslan Fomin də çempionatın lideri ilə görüşə çıxmayıb. Əvəzində Rəşad Sadiqovla Ekiqo Ehiosun “qırmızı-qaralar”ın start heyətində yer alıblar.
“Qəbələ” ilk dəqiqələrdən hücuma atılıb. İlk epizodların birində Viktor Mendi qola yaxın olsa da, rəqib qapıçı onu qabaqlayıb. Seneqallı hücumçu qarşılaşmanın əvvəlində ən fəallardan biri olub. “Qırmızı-qaralar”ın fəallığı qarşısında tab gətirən qonaqlar oyunda tarazlığı bərpa edib. Qarşılıqlı hücumlarla keçən ilk yarının ortalarında Ürfan Abbasovun mərkəzdən irəli ötürməsini Mendi başla tamamlayıb. Lakin hücumçunun zərbəsində az dəqiqlik çatmayıb. Ardınca seneqallının özü gözəl ötürmə ilə diqqət çəkib. Üç futbolçunun arasında olan legionerin topu ünvanladığı Cavid Hüseynovun güclü zərbəsini isə qolkiper barmaqlarının ucu ilə küncə çıxarıb. “Qırmızı-qaralar” üstünlüyə malik olduqları ilk yarını qolla tamamlamağa yaxın olub. Caviddən ötürmə alan Ekiqo Ehiosun iki rəqib müdafiəçidən sıyrılıb, cərimə meydanından kənardan çərçivəni nişan alıb. Bu dəfə də qonaqları qapıçı xilas edib.
İkinci hissəyə də “Qəbələ” daha fəal başlayıb. Rikardinyo 51-ci dəqiqədə Mendini qapıçı ilə təkbətək çıxarıb. Seneqallının zərbəsi qarşısında qolkiper də aciz qalsa da, top dirəyin yanından keçib. 4 dəqiqə sonra qarşılaşmada hesab açılıb. “Qarabağ”ın braziliyalı legionerinin uzun reydi qolla nəticələnib. Reynaldonun zərbəsindən sonra Rafael Santosa dəyən top qapıdan keçib. Qolun ardınca “qırmızı-qaralar” da fərqlənməyə yaxın olub. Cinahdan cərimə meydanına daxil olan Ekiqonun ötürməsini Aleksey Qay boşa verib. Onun zərbəsi müdafiəçiyə tuş gəlib. 64-cü dəqiqədə Ekiqo növbəti təhlükəli epizodun yaranmasında iştirak edib. Onun hava ötürməsini Bəxtiyar Soltanov başla tamamlasa da, qapıçı zərbəni dəf edib. Bərabərlik qolu üçün irəli atılan “qırmızı-qaralar” 69-cu dəqiqədə fərqlənməyə yaxın olub. Ekiqo qapıçı ilə üz-üzə qalsa da, Maksim Medvedev onun zərbə vurmasına imkan verməyib. Ardınca künc zərbəsindən sonra Ruslan Abışovun zərbəsi zamanı Mendi topa toxunsa da, onu qapıya ünvanlaya bilməyib. Az sonra seneqallının baş zərbəsi yaddaqalan olub. Bu dəfə onun zərbəsi dirəyin yanından keçib. Amma ikinci hissədə üstün oyun nümayiş etdirən “Qəbələ” qol istəyini gerçəkləşdirə bilib. Qarşılaşmanın sonlarında Mendiyə qarşı cərimə meydanındakı kobudluq penalti ilə nəticələnib. İbrahim Şehiçin qayda pozuntusuna görə təyin olunan zərbəni “qırmızı-qaralar”ın cari mövsüm ən yaxşı bombardiri Cavid Hüseynov yerinə yetirib. 6-cı dəfə 11 metrlik nöqtədən dəqiq olan yarımmüdafiəçi 11-ci qolunu vurub – 1:1.
Beləliklə, 8 oyunluq qələbə seriyasının ardından çempionatın lideri ilə qarşılaşan “Qəbələ” meydanı 1 xalla tərk edib.
“Qəbələ”
22. Dmitri Bezotosnı
6. Rəşad Sadiqov
9. Viktor Mendi
14. Cavid Hüseynov
15. Ruslan Abışov (k)
19. Aleksey Qay
20. Rikardinyo
27. Bəxtiyar Soltanov
(5. Sadiq Quliyev, 82)
34. Ürfan Abbasov
44. Rafael Santos
(18. Ruslan Fomin, 82)
90. Ekiqo Ehiosun
Ehtiyat oyunçular:
30. Anar Nəzirov
16. Ruslan Tağızadə
17. Qismət Alıyev
26. Pavol Farkaş
32. Mixail Sivakov
Baş məşqçi: Roman Qriqorçuk
“Qarabağ”
13. İbrahim Şehiç
2. Qara Qarayev
5. Maksim Medvedev
9. Reynaldo
10. Muarem Muarem
(24. Admir Teli, 84)
14. Rəşad Sadıqov (k)
20. Riçard Almeyda
25. Ansi Aqolli
41. Leroy Corc
(7. Namiq Yusifov, 74)
55. Bədavi Hüseynov
77. Cavid Tağıyev
(17. Vüqar Nadirov, 46)
Ehtiyat oyunçular:
1. Fərhad Vəliyev
6. Hacı Əhmədov
18. İlqar Qurbanov
21. Tural Rzayev
Baş məşqçi: Qurban Qurbanov
