QƏBƏLƏ FC

Azərbaycanın və “Qəbələ” İdman Klubunun boksçuları Cavid Çələbiyev və Alfonso Dominqes Belarusun paytaxtı Minskdə keçirilən II Avropa Oyunlarında növbəti qələbələrini qazanıb. 60 kq çəki dərəcəsində çıxış edən Cavid “Uruçye Arena”da təşkil olunan boks yarışlarının 1/8 final mərhələsində rinqə çıxıb. Dünya çempionumuz Moldova təmsilçisi Dorin Buksa ilə qarşılaşıb. 5:0 hesablı qələbə qazanan təmsilçimiz 1/4 finala yüksəlib.

Çələbiyev 1/4 final döyüşünü iyunun 26-da keçirəcək.  Boksçumuz Otar Eranosyanla (Gürcüstan) görüşəcək. Dominqes isə belaruslu Mixail Dauhalyavetsi 5:0 hesabı ilə məğlub edib. İdmançımız 1/4 finalda belçikalı Ziad El Mohor ilə görüşəcək.