Boksçularımız Ərzurumda iki medal qazandı
Xəbərlər / 11 Sentyabr 2015 | 19:06165
Türkiyənin Ərzurum şəhərində 1-ci Prezident kuboku Beynəlxalq Boks turniri keçirilib. 5 gün davam edən yarışda 34 ölkədən 170 idmançı qüvvəsini sınayıb. Turnirdə “Qəbələ” İdman Klubunun boksçuları da çıxış edib. Təmsilçilərimiz yarışı iki medalla başa vurub. 75 kq çəki dərəcəsində mübarizə aparan Kamran Şahsuvarlı bütün rəqiblərinə qalib gələrək fəxri kürsünün ən yüksək pilləsinə qalxıb. Məhəmmədəli Tahirov isə 91 kq çəki dərəcəsində fəxri kürsüyə yüksəlib. Yarımfinalda mübarizəni dayandıran boksçumuz buna bürünc medalın sahibi kimi nail olub.
OXŞAR XƏBƏRLƏR
