QƏBƏLƏ FC

“Qəbələ” İdman Klubunun və Azərbaycan millisinin boksçusu Lorenzo Sotomayor Qətərin paytaxtı Dohada təşkil olunan dünya çempionatında üçüncü görüşünü keçirib. 64 kq çəki dərəcəsində mübarizə aparan idmançımız 1/4 final mərhələsində rusiyalı Vitali Dunyavtsevlə üz-üzə gəlib. Bunadək ilk döyüşündə kanadalı Artur Biyarslanov, 1/8 finalda isə əlcəzairli Abdelkader Çaderi məğlub edən Lorenzo bu il Avropa çempionu olan Dunyavtsevlə bərabər mübarizə aparsa da, sonda uduzub – 0:3 (28:29, 28:29, 27:30). Yarımfinala yüksəlib, dünya çempionatının mükafatlarından birini təmin etməyə yaxın olan Sotomayor medalların bir addımlığında məğlub olmaqla yarışda çıxışını başa vurub.